Sorlak siulittaasuugallartussamik nassaarpoq

Aili Liimakka Laue Sorlammut siulittaasuugallartussatut inissippoq, Kaalinnguaq Siegstadip siulittaasuuffimmit tunuarnerata kingorna

Aili Liimakka Laue, Nuuk Sorlammi siulittaasunngortinneqarpoq Kaalinnguaq Siegstadip siulittaasuuffimmik qimatsinerata kingorna. Assi: Sorlak

Aili Liimakka Laue tulliani Sorlammi ataatsimeersuartoqalerpat siulittaasuugallartutut ilisaritissaaq - nunatsinni meeqqanut inuusuttuaqqanullu suliniaqatigiiffimmi siulittaasunngortinneqarnerami kingorna.

Taamak pisoqarpoq Kaalinnguaq Siegstadip issatsiaq siulittaasuuffimminit tunuartariaqalerpoq Aningaasaqarnermut naalakkersuisumik Maliina Abelsen, Inuit Ataqatigiinnut ilaasortamut oqaatsit pillugit saassussinermi kingorna.

Tamatuma nassataanik Sorlak siulersuisuunerugallartussanik inissititerisariaqarpoq. Siulittaasup tullersortigisimassaa Aili Liimakka Laue siulittaasunngorpoq, Paninnguaq M. Kruse siulittaamut tullersortaagallartutut ingilluni.

- Sorlammi meeqqat inuusuttuaqqanullu suliavut nangissavagut, siulittaasunngorlaaq Aili Liimakka Laue oqarpoq.

Kaalinnguaq Siegstad Sorlammut aamma Kalaallit Nunaanni Naligiissitaanermut siunnersuisoqatigiiffiannit tunuarpoq, tassani siulittaasuuvoq Siumut Inuusuttaannut SIS-imut siulittaasutut issianini tunngavigalugu. Taamaattumik SIS-imut siulittaassuuffimmit tunuarami ingerlaannartumik Sorlammit aamma Kalaallit Nunaanni Naligiissitaanermut siunnersuisoqatigiiffianit aamma tunuarpoq.

Sorlak tulliani ataatsimeersuassaaq Aasianni oktobarip 26-ani.

Powered by Labrador CMS