Skip to main content

’Inuk’ filminik atuagassiarsuarmi

Kalaallit filmiliaat "Inuk" Oscarimik nersornaasigassatut inassutigineqartoq, nunarsuarmi filminik atuagassiat nuimanersaanni sammineqarpoq 

Filmi aliikkutassiaq "Inuk" sapaatip akunnerani siusinnerusukkut nunatsinni Oscar-komitémit Oscar-imik nersornaaserneqartussatut inassutigineqartoq, nunarsuarmi aliikkutassianik atuagassiat nuimanersaanni, amerikarmiut atuagassiaanni Variety-mi, sammineqarpoq.

Variety-mi allaaserisami, marlunngormat ilanngunneqartumi, filmip imarisaa oqaluttuarineqarpoq, aammattaarli taaneqarluni kalaallit filmiliaasa aappassariinnaraat ("Nuummioq"-p kingorna, aaqqiss.) Oscar-imik nersornaasigassatut inassutigineqartut.

Aamma atuaruk "Inuk Oscar-imik nersornaasigassatut inassutigineqartoq"

Variety, 1907-imi nunarsuarmi filmimik naliliisut siullersaatut isigineqarnermi saniatigut, aliikkusersuinermik suliffissuaqarfimmi Hollywoodimilu annertuumik sunniuteqartarsimavoq, oqaatsillu soorlu sitcom, sexappeal aamma striptease atuagassiap nassaarisimavai.

"Inuk" immikkoortumi "Nunat allamiut filmiliaat pitsaanerpaaq" Oscar-innattussatut toqqarneqarsimanersoq aatsaat aappaagu paasissavarput, toqqarneqartut januaarip 15-ianni tamanut saqqummiunneqarpata.

Oscar-imik agguaassineq pissaaq 2013-imi februaarip 24-anni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER