Assiisivinnguaq: Qaqortumi anori
Aaqqissuisoqarfik Qaqortumit assit arlallit pissarsiarai - kujataani illoqarfik ullaaq manna anorimik sakkortuumik eqqorneqarpoq
Vilhelm Lynge Hard Sermitsiaq.AG-mut saaffiginnippoq, Qaqortumi ullaaq manna silamik assilisani allanit takuneqarnissai kissaatigigamigit.
Vilhelm oqaluttuarpoq illoqarfik ullaaq qulingiluat missaanni kitaanit anorimik sakkortoorujussuarmik eqqorneqartoq anoraasuarujussuarnerit nassataannik angallataatillit piumassuserinngisaminnik umiatsialerisariaqarlutik angallatit arlallit ulorianartorsiulermata.
- Pølsevognip aamma takornariat allaffiata eqqaani, kitaanit anorlertillugu sissaq ilungersunarsisarpoq, mianersortoqanngippat mallit aserortererujussuarsinnaammata. Qujanartumilli pissuserineqartartoq naapertorlugu, piffissanngoraangat Qaqortumi innuttaasut ikiuulluartarput, umiarsualivimmi suliassat isumagineqarput mallit aserortersinnaasaat illuartiterneqarlutik. Nal. 09.30 missaanni anori sakkukilliartorpoq sulili nuannaajaarpallaarnissaq pisariaqanngilaq, silassamik ilimasaarut suli anoritaqaqimmat, Vilhelm Lynge Hard oqaluttuarpoq.