"Qullissara" Qaqortumi
Qaqortumi Qullissara takutinneqarmat isiginnaariat nuannisaqaat
QulIissara, nunatsinni tulluussimaarnartumik takutitsisarluni nunatsinni angallanneqartoq tallimanngornermi Qaqortumut annguppoq, nipilersornertalimmik isiginnaartitsissummik isiginnaariat 700 pallillugit amerlassusillit Qaqortup Timersortarfiani ulikkaartumi nuannisartinneqaqalutik. Qullissaramik tusarnaartitsineq kiisami Qaqortumut anngukkami, Poul Hard takusani pillugu oqaluttuarpoq.
Isiginnaagassiap Qullissani takuteqqaarneqarneranit allaaserisaq uaniippoq: Asilisunneq nuannaarnerlu Qullissara'mi
Illoqarfiup TV'qarfianit aamma nivinngaavinni tamaginni tusarnaartitsilluni isiginnaartitsineq Qullissara ussassaarutigineqarsimavoq, soqutigineqarluartumik.
- Isinnaartitsissummik nipilersornertalimmik takutitsinertavia iluatsilluarpoq Hasju Damgaard bassertoralugu, Jens Nielsen tumerparpaartoq, Fabrizio Barzanti guitari minnerrunngitsumillu Mike F. Thomsen guitarerlunilu erinarsortoq, taamatullu erinarsortut pinnerluinnartut marluk Pilu Noahsen aamma Kimmernaq Kjeldsen Vaigatsimik nipilersukkat ukiorpassuarni ilisimaneqarluartut atortarpaat, Poul Hard allappoq.
- Oqaluttuartup Else Danielsenip erinarsuutit akornanni Qullisanik asangaakkamik inuerussaaneq oqaluttuarisarpaa. Isiginnaariat ilaaritut Qaqortumi arsartartut peqatigiiffiata K-33-p Qullissanilu arsaattartut 1960-imi Nunatsinni Pissartanngorniullutik kuultinnanniunnerannik oqaluttuaq, taamani Qullissarmiut pissartanngorlutik. Qaqortumi amerlanerpaat tamanna eqqaamanngilaat. Taamatuttaaq ilisimatinneqarput Qullissat Kalaallit Nunaanni illoqarfiit annersarisimagaat inuttussutsimigut.
Qullissara Kujataani angallanneqarnera aqagu nangissaaq, ataasinngornermimi Nanortalimmut ingerlaqqissaaq.
Se også galleri fra forestllingen her: Qullissara gik for fulde huse