Skip to main content

Kalaallit Nunaat EU'mit amerlanernik aningaasalerneqartariaqarpoq

Taama oqarpoq Bendt Bendtsen, Konservativit sinnerlugit Europa-Parlamentimi ilaasortaasoq

EU'p aamma Kalaallit Nunaata akornanni pissutsit ineriartorteqqinnissaat pisariaqarpoq. EU juunimi suliniuteqarnissamik isumaqatigiissuteqarnerata ersersippaa, Kalaallit Nunaanni aatsitassanik isumalluutit imminut napatissinnaaneq anguniarlugu piiarneqartariaqartut.

Taamak isumaqarpoq siornatigut Danmarkimi naalakkersuisut siulittaasuata tullersortaa ullumikkut Europa-Parlamentimi Konservativit sinnerlugit ilaasortaq Bendt Bendtsen.

- Uppernarsaammi tassani pingaarnerpaatut isigaara EU naqissusiimmat Kalaallit Nunaanni aatsitassanik isumalluutit imminut napatissinnaaneq qitiutillugu piiarneqartariaqarnerannik naqissusiimmat. Tamatuma saniatigut kikkunnut tamanut iluaqqutaassaaq, aatsitassanik isumalluutit piiarneqarpata kiffaanngissuseqarluni tuniniaasinnaaneq tunngavigalugu. Taamaaliornikkut Kalaallit Nunaata aamma EU'p aningaasarsiornikkut inissisimanerat pitsaanerpaamik iluarsineqassaaq, Bendt Bendtsen pingasunngornermi Sermitsiaq.AG-mut oqarpoq.

 

Kina Kinamiiginnassaaq
Bent Bendtsen, EU-Parlamentimi tunisassiornermik, ilisimatusarnermik nukissiornermillu ataatsimiititaliaani issiasup nunatsinni aatsitassarsiornermik suliassaqarfik qanimut nakkutigaa. 

- Kinamiut Kalaallit Nunaannik soqutiginninnerat eqqumaffigisariaqarpoq. Kinamiut suliffeqarfiutaat Kinami aatsitassarsiornermik ingerlatsinissaminnut Europamiut suliffeqarfiutaannit annerujussuarmik periarfissaqarput. Tamanna ataasiinnarmik tunngaveqarpoq: Naalagaaffimmit taperneqartaramik. Taamaaliornikkut Kinamiut suliffeqarfiutaat pitsaasunik atugassaqartinneqarput Europamiut suliffeqarfiutaannut naleqqiullugit, konservativit Europa-Parlamentimi ilaasortaatitaat oqarpoq. 

EU'p Kalaallit Nunaata EU'llu akornanni pissutsit suli nukittorsarnerujumavai, EU'p 2014-2020 aningaasanut missingersuutitut siunnersuutaani 219 millioner euro Kalaallit Nunaannik suleqateqarnermut atorneqarniarput, Bendtsen oqarpoq.  

 

Kalaallit Nunaannut aningaasat amerlanerit
- Tamatuma saniatigut uanga kissaatigigaluarpara EU'p Kalaallit Nunaanni nutaamik suliniutinut aningaasat amerlanerit illuartissagai - periarfissaq sulisut amerlassusaannut iluaqqutaasussaq, isumalluutinik qalluinissamut aamma ilisimatusarnermut atorneqartussat, taamallu Kalaallit Nunaannut EU'mullu iluaqqutaasumik kinguneqartussaq, Bendt Bendtsen oqarpoq.

Juuni qaammat Europa-Kommissionip siulittaasuata tullia aamma inuussutissarsiornermut suliffissuaqarnermullu kommissæri Antonio Tajani, Kalaallit Nunaannut tikeraarpoq. Tassani suleqatigiinnissamik isumaqatigiissut nunat akornanni atsioqatigiissutigineqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER