Skip to main content

Kuupik ataasinngorpat allaqatigalugu oqaloqatigiuk

Kalaallit Nunaata siunissaa aamma Naalakkersuisut 2025-mut takorluugaat pillugu Kuupik V. Kleistimut apeqqutissaqaruit, nittartagaq manna aqqutigalugu ataasinngorpat nal. 16-18 allaqatigisinnaavat

Sermitsiaq.AG’p atuartartui ataasinngornermi immikkut illuinnartumik periarfissinneqassapput naalakkersuisut siulittaasuannik Kuupik Kleist, Inuit Ataqatigiit, allaqateqarsinnaassagamik.

Tamanna ingerlanneqassaaq ullumi Naalakkersuisut 2025-mut takorluukkaminnik "Siunissarput - uanga illillu akisussaafiit" saqqummiussinerannut tapiliutitut.

Saqqummiussaq pillugu allaaserisaq atuarsinnaavat  "2025-mut aqqut aaqqissuusseqqinnernik imalik".

Takorluukkani takuneqarsinnaavoq Naalakkersuisut 2025-p tungaanut aalajangersimasunik arfinilinnik anguniagaqartut:

1. Inuusuttut ikinnerpaamik 70 procentii 2025-mi inuussutissarsiuummik ingerlatsisinnaallutik ilinniagaqarsimassapput.

2. Amerlanerit suliffeqalersimapput.

3. Innuttaasut ataasiakkaat aningaasatigut isaatitaat 2025-p tungaanut amerliartussapput.

4. Pisortat suliassaqarfiinik nalimmassaaneq

5. Atugarissaarissaarnermik suliassaqarfik ingerlalluartoq, inuiaqatigiinni assigiimmik atugassaqartitsisoq inuiaqatigiinnilu sanngiitsumik inissisimasut ajunngitsumik atugaqarnissaannik qulakkeerinnittoq.

6. Atugarissaarnermut akissaqartuarnissaq.

Naalakkersuisut isumaqarput anguniakkat piviusunngortinneqarsinnaasut. 

 

Aperigit akineqarlutillu
Anguniakkat pillugit Kuupik Kleistimut apeqqutissaqaruit, ataasinngornermi nittartakkami uani Sermitsiaq.AG naalakkersuisup siulittaasuannik allaqateqarnissannut periarfissaqarputit. 

Kuupik Kleistip 2025-mut takorluugaq pillugu qanoq isumaqarnersutit tusarusuppaa.  

Kikkulluunniit ataasinngorpat nal. 16 aamma 18 akornanni Sermitsiaq.AG-ikkut apeqqutit akissutillu malinnaaffigisinnaavaat, pisariaqartitsisoqassappat piffissaq sivitsorneqarsinnaavoq.

Naalakkersuisut 2025-mut takorluugaat qallunaatut Uani atuarsinnaavat - kalaallisoortaa Uani atuarsinnaavat.

Tallimanngornermi Sermitsiami saqqummersussami Kalaallit Nunaata siunissaa pillugu atuagassaqarpoq. 

Aviisi uani pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER