Skip to main content

Maniitsumi utoqqarnut inissiat marloriaammik amerlipput

 Tallimanngornermi septembarip 21-ani, Maniitsumi kommunit utoqqarnut inissiaataat nutaat 16-it nappaanersiorneqassapput

Aqagu tallimanngornermi septembarip 21-ani, Maniitsumi kommunit utoqqarnut inissiaataat nutaat 16-it nappaanersiorneqassapput.

Utoqqarnut inissiat ilaat juullertinnagu naammassineqassapput, kingulliillu ukiup nutaap aallartisimalernerani naammassineqassallutik.

 

Utoqqarnut inissiat taakku 16-it, marlunnik initaqarlutik 60 m2-it missaanik angitigipput. Sanaartukkat quleriiunngillat, isaarissallu portunersartaqaratik. 

 

Ukiut qulit missaat qaangiupput inissiat taakku pilersaarutigineqarmata, aatsaalli massakkut Namminersorlutik Oqartussat aningaasaleeqataanissaat anguneqarsinnaasimalluni. Siunissami Nunatsinni utoqqaat amerliartuinnartussaapput, taamaattumillu utoqqarnut inissianik amerlanerusunik sanaartortoqartariaqarneq Akileraartarneq atugarissaarnerlu pillugit Isumalioqatigiissitap taakkartornikuullugu. Namminersorlutik Oqartussat Utoqqarnut periusissaq pillugu siunnersuutaanni maannakkut tusarniutigisaminni, Nunatsinni utoqqarnut inissiat amerlanerunissaannik pisariaqartitsineq aamma taakkartorneqarpoq.

- -Qeqqata Kommuniani utoqqarnut politikkitsinni pingaaruteqartutut pingaartinnikuuvarput, sapinngisamik sivisunerpaamik utoqqartatta namminerisamik illuminni/najukkaminni najugaqartarnissaat. Taamaattumik illoqarfinni utoqqarnut inissiat amerlineqarnissaat Kommunalbestyrelsimi kissaatigaarput. Pingaartumik Maniitsumi utoqqarnut inissiat amigaatigaagut. Maannakkut utoqqarnut inissiat 14-iinnaaput, utoqqarpassuillu inissiani pitsorluttunut naleqqutinngitsuni najugallit arlaqarlutik. Taamaattumik utoqqarnut inissiat nutaat aamma ullutsinni siunissamilu inissianik amerlanerusunik atorfissaqartitsinissamut tapertaalluassapput. Ullutsinni maani kommunitsinni atuilluartuunissaq eqqartorneqarluartillugu, inuunerput naatserlugu pitsaasumik atugaqarluta inuunissatta qulakkeerneqarnissaa aamma pingaaruteqarpoq. Assersuutigalugu utoqqartatta namminerisamik iniminni sapinngisamik pisinnaanerini nammineersinnaanissaannut ikiornerisigut tamanna angusinnaavarput, taama Bitten Heilmann oqarpoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER