Skip to main content

Nunatsinni aatsitassanut aningaasaateqarfik sakkortuumik isornartorsiorneqartoq

Pinngortitami pisuussutitsinnit aningaasat inuiaqatigiinni sumiiffinni kukkusuni atorneqaratarsinnaapput, Aningaasaqarnermut Siunnersuisoqatigiit mianersoqqusipput

Nunarput aatsitassanit milliardilikkuutaanik isaatitsilersinnagu aatsitassarsiornermi ingerlatsinerup annertuup qanoq nassataqarsinnaanera Danmarkimi Kalaallit Nunaannilu aningaasarsiornermik ilisimasallit mianersoqqussutigaat.

Tassami akileraarutitigut isertitat kiisalu uuliasiornermi, gassisiornermi aatsitassarsiornermilu suliniutinit angisuunit isertitat innutaasunut aniasoorutigineqaleratarsinnaapput. Allatut oqaatigalugu: aningaasat sumiiffinnut kukkusunut ingerlateqqinneqarnissaat aarlerinaateqarpoq, Aningaasaqarnermut Siunnersuisoqatigiit "Aningaasaqarnermut Siunnersuisoqatigiit nalunaarusiaat 2012 - pinngortitamit isumalluutit annertusaanermut iliuusissatut" marlunngornermi Nuummi tamanut saqqummiutereeraallu Berlingske allappoq.

Assersuutigalugu inuit ikittuinnaat pisuunngorsinnaapput amerlanerillu suli piitsuunerulersinnaallutik.

Læs også "Alvorlig fare for økonomisk overophedning"

Læs også "Øget vækst, men stigende arbejdsløshed"

Naalakkersuinikkut nakkutilliineq aqutsinerlu sukannersoq
Taamaattumik Kalaallit Nunaanni aatsitassarsiornermit uuliasiornermillu aningaasaateqarfik naalakkersuinikkut nakkutigineqarlunilu sukannersumik aqunneqartariaqarpoq.

Iluanaarutit suliniutinut nalaatsornerinnakkut pilersitanut atorneqassanngillaq, aningaasartuutinulli ingerlatanullu inuiaqatigiinnut siunissami ungasinnerusumi iluaqutaasussanut atorneqartariaqarlutik.

Taama Aningaasaqarnermut Siunnersuisoqatigiit professor Torben M. Andersen Aarhus Universitetimeersoq siuttoralugu inassuteqaateqarput. Siunnersuisoqatigiit suliaq pillugu nalunaarusiamik uissuumminnartumik isorinnilluinnartumillu saqqummiussipput.

- Aatsitassarsiornermit uuliasiornermillu aningaasaateqarfinnut allanut sanilliukkaanni Kalaallit Nunaanni anignaasaateqarfik aningaasat atorneqarnissaannut sinaakkuteqarpoq atituunik erseqqissuunngitsumillu nassuiaasersukkanik. Tamanna kukkusumik siammarterisoqarnissaanik annertuumik aarlerinaateqalersitsivoq (aningaasat kukkusumik atorneqassapput, aaqq.), nalunaarusiami ilaatigut allassimasoqarpoq.

Læs ”Økonomisk Råds rapport 2012 - naturressourcer som vækststrategi”

Nunatsinni aatsitassarsiornermit aningaasaateqarfiup isornartorsiorneqarnera pillugu annerusumik atuarit AG-mi sap. ak. matumani saqqummersumi maanilu pisiarisinnaasanni:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER