Skip to main content

Tele-Post internettimi akinik appartitsinissamut piareersimasoq

Nuummi internettimi sullitanut atatillugu namminersortunngorsaasoqarnissaanik Nalunaarasuartaateqarnermi Aqutsisut peqqussuteqareersullu suliffeqarfik internettimi akinik appartitsisussanngorpoq

Naak amerlanerpaat naatsorsuutigigaluaraat, nalunaarasuartaatitigut niuernermi unammilleqatigiilernissaq assoroornarlunilu peqqarniissasoq, suliffeqarfiup aqutsisui annilaanganngillat, TELE-POST-imi internetimik atuinerup iluani unammilleqatigiinnissamut eqqanaarsarsimavoq.

Naamik, taamaanngilaq”, suliffeqarfiup pisortaanerugallagaa Steen Montgomery-Andersen oqarpoq.

- Atuisutta takussavaat TELE-POST nuna tamakkerlugu atuisut ataasiakkaat suliffeqarfiillu eqqarsaatigalugit - internetimik akikinnerusumik pitsaanerusumillu neqeroornissamut ilungersuuteqartoq. Ukiuni kingullerni unammilleqatigiinnissamut atatillugu suliamit kigaallassimaartinneqarsimavugut, ilaatigullu interneti akikippallaamik neqeroorutigipput unnerluutigineqarsimalluta. Aalajangersagaq nutaaq una malillugu, kissaatigaarput internetimut atatillugu pitsaanerusup akikinnerusullu tungaanut ineriartortinnera ingerlaqqissasoq, pisortaaneq oqarpoq.

Læs også "Tele-Post bekymret for unfair konkurrence"

Læs også "Internetmarkedet i Nuuk er frigivet"

Akit appariartortut
Tassunga atatillugu 5. september aningaasaqarnerup ukiup affaanoortumik nalunaarutiginerani TELE-POST –imiit aamma oqaatigineqarpoq atuisunut ataasiakkaanut internetimut (mobildata-mut) akigititat affaannanngortinnisssaat suliffeqarfimmit qinnutigineqarsimasoq. Suliffeqarfiillu malunnartumik akinik apaanissami mininneqanngillat, tassami suliffeqarfiimmi iluminni attaveqaatinik (MPLS-inik VPN-inillu) atuisut 50 procentimik appaavigineqarnissartik ilimagissammassuk.

Læs også "Tele-Post skovler millioner ind"

Læs også "Tele-Post sænker priser drastisk"

Steen Montogomery-Andersenip tamakkiisumik eqqumaffigaa, unammilleqatigiinnerup annertusiartornerata suliffeqarfiup unammilleqatigiinnissamut annertuumik naleqqussarnissaanik piumasaqaatitaqanngitsuunnginnissaa:

- Danmarkimi nunanilu allani amerlanerni attaveqaatitigut namminersortunngorsaaneq unammilleqatigiinnermik annertuumik atuisunut iluaqutaasimavoq. Tamanna aamma maani pissaaq, piffissarlu sivikitsoq qiviassagaanni, soorunami tamanna TELE-POST-ip aningaasatigut inissisimaneranik ajorseriartitsisussaavoq, pisortaq oqarpoq, tamannalu ilutigalugu erseqqissarlugu ullumikkut TELE-POST unammilleqatigiinnissamut aatsaat taama pitsaatigisumik inissisimasoq:

- Peqqusiileqinngilluinnarpugut oqassalluta, suliffeqarfik pimoorussilluta siunertaqarluarlutalu eqaallisarsimagatsigu, ukiorlu kingulleq isertitaqarluarsimagatta, aammalu ukioq manna taamaassalluta. Kisianni soorunami aningaasanik katersiinnarnianngilagut – aningaasammi isertitagut Kalaallit Nunaanni najugalinnut tamanut iluaqutissanut teknologiinut nutaanut – attaveqaatillu pitsaanerulernissaannut aningaasaliissutigisarpagut.

Sinerissami ineriartortitsineq


TELE-POST-imi pisortap immikkut sinerissami ineriartortitsineq eqqumaffigaa. Naqissuserpaalu Nuup/Qaqortup sinerisallu akornanni akit assigiinngippallaannginissaat TELE-POST-ip pimoorullugu sulissutigigaa.

- Pingaartilluinnarparput Kalaallit Nunaata tamarmiusup nalunaarasuartaateqarnermi suliffeqarfiutigaatigut, Steen Montgomery-Andersen erseqqissaavoq.

Tassa imaappoq TELE-POST-ip unammilleqatigiinnermut peqataalerpoq, tamannalu pivoq namminersortunngorsaanermut atatillugu Nalunaarasuartaateqarnermut aqutsisut pingasunngornermi 5. september unnuap qeqqaniit atuutilersumik, suliffeqarfiit allat internetimik nioqquteqarnissaminut atatillugu, attaveqaatit aqqutaannik atuinerminni akiliutissaasa qaffasinnerpaaffissaanik aalajangiinerisa kinguneranik.

Sermitsiaq.AG Nuuk Skynetimit oqaaseqartitsiniarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER