Politiit aamma nakorsaq meeraq toqungasoq misissoriartorpaa
Ataasinngornermi ullup-qeqqata siorna politiit aamma nakorsaq Upernaviup eqqaanut Nuussuarmut ingerlaarput meeqqamik toqungasumik naammattuuisoqarnerata kingorna
Annonse
Meeqqamik uumanngitsumik naammattuuisoqarnerata kingorna ataasinngornermi ullup-qeqqata siorna nakorsaq politiillu Upernaviup avannaani Nuussuaq ornippaat.
Taamaaliortoqarpoq politiit ullaakkut arfineq-pingasut missaannit nakorsamit saaffigineqarmata oqaluttuartunik meeqqamik toqungasumik naammattuuisoqarsimaneranik, Qaasuitsumi politiit immikkoortortaqarfimmi pisortaat Poul Petersen oqaluttuarpoq.
- Air Greenland ikiorsiullugu paasiniarparput Nuussuarmut helikopterimik ingerlaarsinnaanersugut. Qularaarput pinerlunniartoqarsimasoq kisianni pisoq ilungersunartutut isigaarput, Poul Petersen Sermitsiaq.AG-mut oqarpoq.
Manna tikillugu meeqqap suiaassusia ukiulu ilisimanngilagut imaluunniit susoqavissimaneranik paasisimasaqanngilagut.