Skip to main content

Aaku ukioq manna Kodap nersornaasiuttagaanut innersuunneqartut

Ukioq tamaasa Koda Kalaallit Nunaanni nersornaasiuttagaa erinnitortut erinarsuusiortullu akornanni nersornaasiisarpoq. Ukioq manna nersornaasiineq Qaqortumi ingerlanneqassaaq

Kalaallit Nunaanni erinniortut erinarsuusiortullu akornanni ukiut tamaasa KODA nersornaasiisarpoq. Ukioq manna nersornaasiineq pissaaq 28. september Qaqortumi.

”Ukiup nersornaataa”, tunniunneqartarpoq erinarsuusiortumut nipilersoqatigiinnulluunniit ukiumi qaangiuttumi immikkut malunnaateqarsimasumut.

2012-imut Isumalluarnartumut nersornaat

Nersornaasiinissamut ataatsimiititaliaq inuttaqartinneqarpoq Kalaallit Nunaanni nipilersortartoqarnermik ilisimaarinnilluartunik malinnaalluartullu innersuussutigaat ukioq 2012-imut isumalluarnartutut: Henrik Høyer Jensen (Kishima), Frederik ”Kunngi” Kristensen (Kunngi) aamma Abel Brandt (Unnuaq Band).

- Kunngip erinniai erinarsuusiaalu nipilersoriaatsinik assigiinngitsunik akuugaapput, soorlu hiphop, reggae aamma country music, erinnat ingerlaarujoortuullutik soorluli nunatsinni aqqusineeqqatigut, qattunertigut qooqqutigullu ingerlaarluni. Erinarsusiai inuinnarpalaartumik alutornassuseqarput, ataatsimiitaliaq naliliivoq.

Piukkunnartumut akissarsiassaq
Ukioq manna piukkunnartunut nersornaat innersuunneqarpoq Kuno Hammond (Thornstone), Nukannguaq Kajussen (Nukannguaq) aamma Pilu Grønvold (Qaammataasat). Taakkua ukioq manna nuuteeqqamik saqqummersitsipput.

- Kuno Hammondip Thornstone-illu nipilersugaat nunatsinni qaqutigoortuupput. Kuno sakkortuumik eqqissisimasumilli erinaqarpoq, taalliaasalu nunatsinni eqqarsartariaaseq sakkortuumik qamuuna attoqittarpaat. Kunop aamma Thornstone-ip nipilersoriaasiat nipilersortarnermi pikititsinermillusooq imaqanngitsuunngillat.

Se eller gense Koda-vinderne i 2011

Kunngi immikkoortuni marlunni innersuunneqartoq 
Frederik ”Kunngi” Kristensen immikkoortuni marlunni nersornaaserneqartussatut innersuunneqarpoq - "ukiup nersornaataanik" aamma "ataqqinaammik nersornaammik". Ataqqinaammik nersornaaserneqartussatut piukkusat allat tassaapput Iisaavaraq Petrussen (Aalut) aamma Juaaka Lyberth (Juaaka).

- Kalaallit oqaluttuaasa oqalualaavisalu aamma oqaluttuarisaanitsinni inuit piviusuusimasut taalliortarnermigut atortarnerisigut, siulitta oqaluttuariaasiat oqaluttuaatitoqqavullu ullutsinni nipilersornerup silarsuaanut Iisaavaraq Petrussen-ip ingerlateqqippai, soorlulittaaq nipilersortartumi ”Aalut”-mik atsernerisigut nunatsinni oqaluttuartartorsuarput ”Aalut Kangermiu” nersorniaraa.

- 2011-imi Juaakap saqqummersippaa nuuteeraq asanninnilersaarutaannavinnik imaqartoq ”Naasumik paju” , tassani Juaakap saqqummersippai ukiut ingerlaneranni asanninneq pillugu erinarsuusiarisarsimasani nutaamik aaqqissuullugit, erinarsuutinillu nutaarluinnarnik ilallugit, utoqqaliarsaalernermi asaqatigiinnermik oqariartuuteqartut, ataatsimiititaliaq allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER