Skip to main content

Nuummi internettimik nioqquteqarneq ammaanneqarpoq

Nalunaarasuartaateqarnermi Aqutsisut ilisimatitsipput, Nuummi internettikkut kiffartuussinerup namminersortunngorsaavigineqarnissaanik aqutsisut aalajangersimasut - Nalunaarasuartaateqarnermi Aqutsisunit aalajangiineq tamaat takuuk

- Nalunaarasuartaateqarnermi Aqutsisut illuatungeriit akunnerminni attaveqaatinik atueqatigiinnerannut akimik aalajangiinerat, Nuummi internetsimik atuinerup, selskabit nutaat Tele Greenlandimut unammillerlutik internet atorlugu sullissinermik neqerooruteqarsinnaalernerisigut, killilersuinermik qasuterineq piviusunngorpoq.

Taama Nalunaarasuartaateqarnermi Aqutsisut tusagassiuutitigut nalunaarummi allapput, Tele Greenland A/S-ip Nuuk Skynet A/S-illu akunnerminni attaveqatigiissutaasinnaasumut global IP transitimut akigititassaa, Nalunaarasuartaateqarnermi Aqutsisut septembarip tallimaani 2012 aalajangiivigereeraallu.

Nuuk Skynet-ip 2011-imiilli attaveqatigiinnermut tunngasunik nioqquteqarnissi kissaatigisimagaluarpaa, ilaatigulli Tele Greenland-ip attaveqaataa atorlugu internetsikkut sullissinermik neqerooruteqarsinnaanermut, Tele Greenlandip akigitinniagai patsisaallutik, Tele Greenland isumaqatigiissuteqarfigineqarsinnaasimanngilaq.

Læs også "Tele-Post skovler millioner ind"

Læs også "Tele-Post sænker priser drastisk"

Aana akigitinneqartussaq


Illuatungeriit akimik aalajangiisinnaanngimmata, Nuuk Skynet-ip Tele Greenland-illu akunnerminni attaveqaatinik atueqatigiinnermut akissaanik aalajangeeqqullugu, Tele Greenland-ip Nalunaarasuartaateqarnermi Aqutsisut 2011-imili qinnuigai. Maannalu nalunaarasuartaateqarneq pillugu inatsisitigut peqqussut naapertorlugu, akigitinneqartoq ukiuni pingasuni atuukkallartussatut Nalunaarasuartaateqarnermi Aqutsisunit aalajangersarneqarpoq.

- Nalunaarasuartaateqarnermi Aqutsisut aalajangiinerisigut, teleselskabit allat Tele Greenlandip attaveqaataa atorlugu internetsikkut sullissisinnaanngorput. Selskabit internetsikkut kiffartuussiniat allat nioqquteqarfinnut iserniarlutik Tele Greenlandimut akiliutissaat, qaammammut 50 mbit/s global IP-transit Committed Bandwidth-imit piumasaqaatit naapertorlugit, 2015-illu tungaanut atuinermi, 244.631 koruuniunissaat aalajangerneqarpoq, Nalunaarasuartaateqarnermi Aqutsisut allapput.

Nalunaarasuartaateqarnermi Aqutsisut aalajangiussaat tamaat allaaserisap ataanut inissinneqartoq aajuk.

Sermitsiaq.AG oqaaseqartitsiniarsarivoq - tamanna akinut qanoq isumaqassava?

Sermitsiami nutaanerpaami allaaserisaq "Angallattakkani internettimik atuineq Tele Greenlandimut niuernitsialaavoq" atuaruk, aviisi uani pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER