Naalagiaqatigiinneq qilaatersornertalik

Sapaammi naalagiaqatigiittoqarnerani pattagiaq qilaallu atorneqarput

Mimi Karlsen, Leif Immanuelsen og Sofie Petersen. Foto: Privat

Palasit Sisimiuni ataatsimeersuarneranni ullumi ullormi siullermi qilaatersornertalimmik naalagiaqatigiittoqarpoq.

Suliniummut tunuliaqutaasut tassaapput biskop Sofie Petersen aamma Ilaqutariinnermut, Piorsarsimassutsimut, Ilagiinnut Naligiissitaanermullu naalakkersuisoq Mimi Karlsen. Leif Immanuelsen oqaluffimmi qilaatersorlunilu inngerpoq.

Isumassarsiaq suliniummut tunuliaqutaasoq tassaavoq kristumiussutip inuillu ileqqutoqaata naapeqatigiissinneqarnerannik misigisaqartitsinissaq.
Naapinneq nutaaq naalagiaqatigiinnerup kingorna ilagiinnit killitsissimasunit oqaaseqarfigineqarpoq. Palasit peqataasut najuuttullu allat isummaminnik misigisamut sakkortuumut, piviusumut aalaterneqaataasumullu tunngasunik oqaaseqarput.

Biskoppip ilaagiit naalakkersuisorlu peqataanerannut kiisalu kristumiussutsip inuillu ileqqutoqaata naapisinneqarnerannut suliniummullu qutsavigerujussuarpai.
Qilaatip kristumiussutsimi siunissami qanoq atorneqarsinnaanera najukkani qitiusumilu qanimut oqaluuserineqassaaq.

Powered by Labrador CMS