Skip to main content

Sarex pitsaanerulaarsinnaavoq

Admiral Henrik Kudsk, Kalaallit Nunaanni Sakkutooqarfik, imaatigut annaassiniarnermik sungiusarneq SAREX 2012 iluatsilluarnerarpaa: - Kisianni iluarsisassaqarpoq 

Sarex 2012 issittup imaani annaassiniarnermik sungiusarnersuarmi anguniagaq pingaarneq naammassineqarpoq. Kisianni suut tamarmik pitsaanerpaamik ingerlanneqanngillat. Iluarsisassaqarpoq, admiral Henrik Kudsk, Kalaallit Nunaanni Sakkutooqarfimmi admirali naliliivoq, taanna umiarsuarmi alapernaarsuummi Tritonimi angalaqataavoq.

Triton pingasunngonermi umiarsuit takornariartaatiusaarpoq Arctic Victory ajunaalersoq - pingasunngornermi ullaakkut nalunaaqutaq sisamanut sumiiffimmit Kong Oscars Fjordimit - Ella Ø'p avatinnguanit - kingullermik nalunaarpoq: 

- Umiarsuarmi ikuallattoqarpoq namminerli isumagisinnaavarput.

Taamaattoq Arctic Victoryp ikuallanneq kisimiilluni qamitersinnaasimanngilaa. Nalunaaqqutaq qulinut umiarsuarmi qaarnertullusooq ikuallanneq siaruaatilerpoq Arcticimilu annaanniarneq misilinneqartariaqalerluni. 

- Sungiusarneq angisuujuvoq. Iluarsisassaqartuaannarpoq. Sungiusarneq kusanartumik takutitsiniarluni ingerlanneqanngilaq. Taamaaliorniarsimagaanni akileraartartut aningaasaataannik asuli pinnguarnerussaaq. Sungiusarpugut kukkuluttorfigisinnaasagut ersersinniarlugit. Taakkua iluarsineqassagamik siunissami ilumoortumik ajunaarnersuaqassagaluarpat ajoqquteqanngitsumik atorsinnaaniassagatsigit. 

Inuttaasuusaartut 32-t Tritonimi sumi tamaaniipput, ilaat annerujussuarsimallutik, ilaat tuparujussuarsimasut, umiarsuup qaava tukaqaaq issiaviit uppikaasimapput sunalu tamarmi taartuinnaalluni, pujuliortoq sakkortooq ineeqqat nalaanniilluni. Taamaalimmat pisortat ikiuuttariaqalerput. 

Ajunngilluinnartumillu ikiuupput. Uagut nammineq timmisartuutitta umiarsuaq qulit qanngilaaraat sumiissusersivaat, umiarsuit alapernaarsuutit Hvidbjørn aamma Ejnar Mikkelsen nalunaaqquttap ataatsip iluani takkupput. Sinersortaat Thor Islandimeersoq aamma sumiffiup eqqaaniippoq, Canadamit annaassiniartartut ilinniarsimasut peqataatinneqarput, faldskærminit Ella Ø'p eqqaanut imaanut nakkaallutik. Aamma Air Greenlandip Bell'iutaa nalunaaqquttat akunnerisa marluk iluanni tikippoq Ella Ø',ut milluni. Hvidbjørnilu umiarsuartut siullertut tikimmat, taakkua immami pisunut naalakkersuineq aallartippaat, Nuummi Politiit rigspolitiineersullu marluk Ella Ø'mi naalakkersuineq aallartillugu. 

Peqataatinneqartut tamarmik Danmarkimit, Nunatsinnit, Canadamit aamma Islandimit tamarmik peqataapput taamaattoq Henrik Kudskip pilersaarutai naapertorlugit suut tamarmik ingerlanngillat. 

- Nuummi silamit akornusersorneqarpugut, tassa isumaqarpoq Politiit immikkut aaqqissuussaat KSN-kommando anngutinngitsoormat. Taamaattumik politiit ilinniarfiannit ilitsersuisut marluk Ella Ø'mut anngupput, allat Mestersvigimit aqutsinermik ingerlatsisariaqarlutik. Hvidbjørnimiillu aalajangiunneqarpoq ajoqqusersimasut tamaasa umiarsuarmi passunneqassasut, taamak aalajangerneq assut isumatusaarneruvoq. Umiarsuarmi immikkut ittunik atortorissaaruteqarpoq ilinniarsimasunillu sulisoqarluni. 

- Aammami taamaakkami. Aavalakkutta allatut iliortoqarsinnaanngilaq. Inuit allat sungiusarnermik aqutsinermik nangitsissapput. Sungiusarnermili Ella Ø'mi politiit atorusussimagaluarpagut. Neriuutigisimagaluarparput inuit Ella Ø'mut siusinnerusukkut assartorneqarnissaat, tamaani politiit aaqqissuussillutillu nalunaarsuissagaluarmata, ajoqqusertunik Mestersvigimut ingerlatitseqqillutik Islandimilu napparsimmavinnut timmisartumik assartuisitsillutik.  

Piviusoq tassa Air Greenlandip Bell'ia nalunaaqquttap akunnerini arlalinni Ella Ø'miippoq suliassaqarani, ajoqqusertut tamaasa Ella Ø'mut assartorneqarnissaat tikillugu. Aatsaat nalunaaqqutaq 18 ajoqquseqqaartut Mestervigimut Ella Øøminngaanniit timmisartuunneqarput. Helikopterit annaassiniartussaq nalunaaqquttap akunnerini arfinilinni uninngavoq. 

Sungiusarnerpiami Tritonimi "qaartoortoqarnerani" inuit marluk ajunaarput, allat 30-t aqqunarujussuarlutik taakkunannga pingasut tuparujussuarlutik. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER