Skip to main content

Graffiti - eqqumiitsuliaq aserorterinerluunniit?

Small Time Giants, Sisimiuni iikkanut titartarneqarsimapput - suliarinnittup kinaassusia ilisimaneqanngilaq. KNIp graffiti aserorterinertut isigaa  

Nipilersoqatigiit nuannarineqarluartut Small Time Giants, Sermitsiaq AG.mut oqaluttuarput Sisimiuni KNIp qullersaqarfiata iigaanut assertik qalipanneqarsimasoq.

- Kinaassutsimik oqaatiginnikkusunngitsup assimik nassitsippaatigut, taassuma suliani takutikkusullugu. Kinaanini paasitikkusunngilaa oqarlunili nipilersukkagut nuannarisorujussuullugit, Small Time Giantsimi erinarsortoq Miki Jensen oqarpoq.

- Oqaatigisariaqarparpulli uagut graffiti ataatsimilluunniit attuumassuteqarfiginnginnatsigu. Illuatungaatigut aamma akerlerinngilarput, isumaqaratta aserorterinerminngaanniit eqqumiitsuliaanerusoq. Naak pinngortinneqarneranut attuumassuteqanngikkaluarluta tulluussimaarutigaarput, Sisimiuni ikkami betongimi assiutigineqaratta, Miki Jensen oqarpoq. Aamma taassuma nuannaarutigaa Kalaallit Nunaanni Danmarkimilu tamalaanit nipilersoqatigiit tunniusimasunik tapersersorteqarnermata.

 

KNI: Aserorterineruna
KNImi teknikkimik pisortaq, Rasmus Frederiksen, ikkaamik qalipaasoqarsimanera nuannaarutiginngilluinnarpaa.

- Uagutsinni eqqumiitsuliorniaraanni allatulluunniit iliorniaraanni piumasaqaammik qinnuteqaqqaartoqassaaq. Pisoq pillugu saaffigineqarsimanngilagut iikkami graffitiimik qalipaasoqarsimanera aserorterinertut naliliinnarsinnaavarput. Maannakkut piiarlugu aallartissaagut, Rasmus Frederiksen Sermitsiaq.AG.-mut oqarpoq.

KNI-mi sulisut grafitti qullersaqarfiup isaariaata eqqaani tallimanngornerup siuliani takoqqaarpaat. 

Iikkami qalipakkat Small Time Giantsikkut assingisa tusagassiivinnut nassiussap assigaa. Nipilersoqatigiit maannakkut nuuteeqqamik immiussinissaq sulissutigalugu ulapileruttorput.  

 

Graffiti - ikkani qalipakkat eqqumiitsuliaappaat imaluunniit aserorterineruppat? Naqqani isummat allassinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER