Skip to main content

Annassiniarluni sungiusarneq aallartippoq

Sarex 2012-imik imaatigut annaassiniarnermik sungiusarneq ataasinngornermi ullup-qeqqanut aallartippoq

Kalaallit Nunaanni Sakkutooqarfik nalunaarpoq suut tamarmik aaqqissuunneqareersut piareersimasullu taamaattumillu Sarex 2012-imik sungiusarneq aallartissinnaanngortoq.

Imaatigut annaassiniarnermik sungiusarneq aatsaat perngaamik ingerlanneqartoq marloqiusamik immikkoortoqarpoq. 

Siulleq ataasinngornermi aallartissaaq, sungiusarnermi "umiarsuaq tammaasaq" ujarneqassaaq. Umiarsuaq tassaavoq takornariartaat Svalbardimit Ittoqqortuumiunut ingerlaartoq 100-nik issimasoqarpoq.

Malittarineqartussaq tassa umiarsuaq kingullermik ataasinngornermi ullaakkut nal. 6.00 tusarfigineqarmat. Malittarisassat naapertorlugit umiarsuaq nal. ak. arfinillit qaangiukkaanga Kalaallit Nunaanni Sakkutooqarfimmut nalunaartartussaammat, sumiiffini nalunaarutigalugu. 

Umiarsuaq takornariartaat tunup sineriaaniittoq nal. 12 nalunaaruteqarsimanngilaq, tamaani sungiusarnermik ingerlatsiffiusumi. Ullaakkulli tutsiunneranit susoqarsimanera ilisimaneqanngilaq aamma susoqarnissaa naluaat. 

- Ilumoorsarluinnarluta ingerlatsissaagut asuli takutitsiniarnerunngilaq. Suliassatta pingaarnersaraat sanngiiffitsinnik aalajangiinissarput, admiral Henrik Kudsk umiarsuarmi alapernaarsuummi Tritonimi ilaasunut nalunaaruteqarpoq, ilaasut akornanniippoq Sermitsiaq.AG-mi tusagassiortoq Hanne Broberg. 

SAREX 2012-ip immikkoortuani siullermi nunat sanileriiaat akornanni sinerissamik nakkutilliisut oqaloqatigiinneranni aaqqissuussinerannilu nukittoqutit sanngeequtillu nassaariniarneqassapput. 

SAREX-imik sungiusarnerup immikkoortuata aappaanni aamma naggataani pingasunngornermi Tritonimi ingerlanneqartussami maanna sakkutuut illersuisut Mestersvigimi inissisimaffiata ungasinngisaanniipput. Sungiusarneq sapinngisaq naapertorlugu piviusuusaartinneqaqqullugu peqataasut sakkutuujunngitsut qanoq pineqarnissaat isertugaatigineqarpoq. 

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER