Skip to main content

Arnat inuuneranni atugassarititaasut

Nunat Avannarliit Siunnersuisoqatigiivisa arnat oqaluuserineqarnissaat kissaatigaat

 

Issittumi arnaaneq pillaatisiassatut isigisariaqanngilaq. Maannakkuunngitsoq aamma ukiut 20-t imaluunniit 30-t qaangiuppataanngitsoq. Issittumi naalakkersuisut arnat qimagussornerat ilungersunartutut isigisariaqaraluarpaat, svenskit Nunat Avannarliit siunnersuisoqatigiivinut aallartitaat Maria Stenberg oqarpoq, taassuma ulluni makkunani suliniutigaa issittumi arnat isigineqarnerisa qaffassarniarnerat.

Stenberg (S) issittumi politikkerit naapeqatigiinneranni CPAR, Akueryri, Islandimi ingerlanneqartumi peqataaqqammerpoq. Ataatsimeersuarnerup ingerlanerani naliliivoq Issittoq pillugu oqallinnermi arnat inuuneranni atugassarititaasut aamma suliffissatut periarfissaasa pitsanngorsarnissaannut piffissanngortoq.

Nunat Avannarliit Siunnersuisoqatigiit sinnerlugit nuannaarutigaarput ataatsimeersuarnermi inerniliussatut isumaqatigiissuteqaratta, tassa suiaassuseq aallaavigalugu misissuinerit atorneqartassasut Issittoq pillugu aalajangiussani tamaginni ineriartortitsinermut piviusunngortitsinermullu tunaartatut, Maria Stenberg Nunat Avannarliit Siunnersuisoqatigiit tusagassiivinnut allagaanni allappoq.

- Issittumi naalakkersuisut siunnerfilimmik aaqqissuuttariaqarpaat siunissami suliffeqarfinni arnat sulisorilernissaat angujumallugit qanoq ilinniagaqassanersut aamma siunnersorneqassanersut. Pingaaruteqarpoq arnat namminneq aallartitsiniartut tapersersorluarneqarnissaat, Stenberg oqaluttuarpoq, taassuma siornatigut nunani avannarlerni naalakkersuisut allaffigisareerpai apeqquteqarfigalugit, arnat qimagussuukkiartornerat qanoq iliuuseqarfiginiarneqarnersoq pillugu.  

- Sammisat pingaarnersaat issittumi naalakkersuinermik suliallit ataatsimiinneranni (10th Conference of Parliamentarians of the Arctic Region) 5.-7. September ingerlanneqartumi sammineqarpoq, ilaatigut aningaasarsiornerup ineriartornera aamma sumiffinni suliffeqarfiit kiisalu ilisimatusartut, innuttaasut aamma inuiaqatigiit kalluarneqarneri eqqartorneqarlutik.

Ataatsimeersuarneq naammassineqarpoq ilaasortat ataatsimoorlutik isumaqatigiissutigimmassuk Nunat Avannarliit siunnersuisoqatigiivinut aamma issittumi naalakkersuisunut innersuussuteqarniarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER