Qalerallit tunisaajunnaarput
Sinerissap qanittuani qaleralinniarneq Qeqertarsuup Tunuani aqutsiveqarfimmi unitsinneqarpoq
Kalaallit Nunaanni Aalisarsinnaannermut Akuersissutinik Nakkutilliisoqarfiup pingasunngornermi septembarip tallimaanni sinerissap qanittuanit Uummannami umiatsiaaqqanit qaleralinniarneq unitsitsippaat, tallimanngornermi septembarip arfineq-aappaanni Qeqertarsuup tunuani aqutsiveqarfimmi sinerissap qanittuani umiatsiaaqqanit qaleralinniarneq unitsinneqarpoq kiisalu ullumi arfininngornermi Upernaviup aqutsiveqarfiani umiatsiaaqqanit qaleralinniarneq unitsinneqarpoq.
Tassa septembarip tallimaat Uummannami umiatsiaararsortut qaleralinnik tunitsivissaat kingulleq. Septembarip arfineq-aappaat Qeqertarsuup tunuani umiatsiaararsortut qaleralinnik tunitsiviat kingulleq kiisalu septembarip arfineq-pingajuat Upernavimmi umiatsiaararsortut qaleralinnik tunitsiviat kingulleq.
Aalisarneq oktobarip aallaqqaataani ammaqqinneqassaaq qaammammut 100 tonsinik pisassiissutilerlugu. Taamak sapaatip akunnerata ingerlanerani Aalisarsinnaannermut Akuersissutinik Nakkutilliisoqarfik tusagassiivinnut nalunaaruteqartarpoq.
Sinerissap qanittuani aalisarneq juulip 28-anni taamaatinneqarpoq.