Gintberg tikissaaq: Uanga grønlandomaniuvunga
Oktobari qaammat danksit quiajasaarisartuat kulturikkut illorsuaq Katuaq ataasiarluni quiasaariffigissavaa
Tallimanngorneq oktobarip 26-at Jan Gintberg kingumut illoqarfiit pingaarnersaanni Katuami aliikkusersuissaaq, tamatumuuna toqqaannartumik takutitassiani ”I luv Jan” saqqummiutissallugu.
Nuummi takutitsinissami pillugu quisaarisartoq aliikkusersuisartorlu allappoq:
- Nuuk soorlu tassa angerlarsimaffima aappaat. Imaluunniit pingajuat najugaqarfima eqqaani pizzaria siulliuteqqaassagukku! Nuummut tikeqqinnissannut qilanaartorujussuuvunga aamma paaserusukkakku video Leifip iggavini nutaaq atulersimaneraa!
- Tamatuma saniatigut paaserusuppara Ringorput (aap, kukkusumik allassimagunarpoq - eqqarsaatigisarnerali apeqqutaavoq) aqqusernga kingullermernit tallinerusimanersoq? Ilami qaqqap tulliata tunuani soqarnersoq paaserusukkaluaqaara!
- Marloriaannarlunga Kalaallit Nunaanniinnikuuvunga, misigisimavungali nunamut kingumut tummaqqinnissara pinngitsoorsinnaajunnaariartorlugu! Aap, nassuerutigisariaqarpara: Grønlandomaniugama! Pinngortitaq nuannarisorujussuuara, inui, eqqissisimasumik pissuseqarneq minnerunngitsumillu immiaaraq umimmak. Najoqqagassannik piareersaaginnaritsi, Jan Gintberg quiassuarluni tutsiuppoq.