KompetenceKompagniet avoqqaarigaat

Avatangiisinik illersuiniaqatigiiffik isumaqarpoq KompetenceKompagniet ataatsikkut innuttaasunik ataatsimiititsinernik arlaannaannulluunniit attuumassuteqanngitsumik aaqqissuisuullunilu aatsitassarsiornerup iluani sullitassarsiortuusinnaanngitsoq

– KompetenceKompagniet arlaannaannulluunniit attuumassuteqanngitsutut isiginiassallugu ajornakusoorpoq, tassami suliffeqarfik aatsitassarsiorfiliornissamik suliniut pillugu innuttaasunik ataatsimiititsinernik aaqqissuussivoq, naggaterpiaatigut suliniut piviusunngussagaluarpat suliffeqarfimmut aningaasaqarnikkut pingaarutilerujussuanngorsinnaasumik, Mikkel Myrup oqarpoq. Assi nammineq pigisaq

Privat

netredaktion (netredaktion@sermitsiaq.ag)

arfininng 08. sep 2012 09:15

Annonse

Suliffeqarfik arlaannaannulluunniit attuumassuteqanngitsuusinnaava London Miningip saviminissarsiorfimmik pilersitsinissamik pilersaarutai pillugit innuttaasunik ataatsimiititsinernik aaqqissuisuujutigaluni aatsitassarsioqatigiiffinnut suliassanik isumaginninnissamik neqerooruteqartartuuguni?

Tamatuminnga apeqqusiisoq tassaavoq avatangiisinik illersuiniaqatigiiffiup Avatap siulittaasua Mikkel Myrup.

Tusarniaasoqarneranut atatillugu innuttaasunik ataatsimiititsinissat katillugit sisamaasut siullersaannik siunnersuisartut suliffeqarfiata KompetenceKompagnip aggustip 27-ani ataatsimiititsineranut atatillugu taama apeqqusiisoqarpoq.

Isukasiani Nuummiit avanammut-kangimut 150 kilometerinik ungasissusilimmiittumi London Mining aatsitassarsiorfiliorniarpoq.

Allaaserisaq tamakkiissoq sapaatip akunnerani Sermitsiami saqqummersumi atuaruk:

nunatsinnit inuussutissarsiutit