Skip to main content

Nunanit tamalaanit aningaasaateqarfiit Qeqqata Kommuniani

Nunanit tamalaalit aningaasaateqarfinni arfineq marlunnit ulluni makkunani Qeqqata Kommunia tikeraarteqarpoq piujuartitsinermi periarfissat misissorniarlugit 

Nunat tamat akornanni aningaasaateqarfiit Kalaallit Nunaat Qeqqata Kommuniani aallartillutik pingasunngorpat tikeraalissavaat. Taamaalillutik Kalaallit Nunaat nutaaliaasoq tassanilu unamminartut suusut periarfissallu qanoq ittuunersut takorusullugit.

Aningaasaateqarfiit ilaatigut nunatsinni pisortatigoortuunngitsumik suliniutit annertuumik isiginiarsarivaat, innaallagissamik pitsaanerusumik pilersuinerit, eqqakkanik annertunerusumik immikkoortiterinerit, taamatullu aamma ingeniøritut ilinniartitaanerit ilisimatusarnerillu.

Taamaattumik tikeraarnerini Qeqqata Kommuniata atorluaanissamik siunertamik saqqummiinissamut oqallisiginissaanullu, taamalu inuiaqatigiinni 2020-mi kommunip atorluaaffiusuunissaanik eqqarsaatersuutimik saqqummiinissaminut periarfissaqarluassaaq, borgmesteri Hermann Berthelsen nassuiaavoq.

Pingasunngornermi Kangerlussuarmut missapput, ilaatigullu Sermersuaq ikaartarfillu aserorsimasoq alakkartissavaat.

Borgmesterip tikeraarneq nuannaarutigaa
Ullumi sisamanngornermi angalaqatigiit Sisimiunut ingerlaqqissapput, borgmesterillu ilaatigut suut atuilluartuunissamik toqqamavilimmik suliniutit massakkumut Qeqqata Kommuniani aallartinneqareersimasut suuneri oqaluttuarissallugit.

Tallimanngornermi kommunip nunaqarfii sammineqassapput, tamakkumi kommunimi atuilluartuunissamik eqqarsaatini ilaalluinnartuummata.

Aningaasaateqarfiit taakku arfineq-marluusut siullerpaameerlutik Kalaallit Nunaanniilinngillat. Aningaasaateqarfiit aamma novembarimi nunarput tikeraarpaat, tamatumani sutigut suliuteqarsinnaaneq paasiniarsimallugu.

Hermann Berthelsenip inuiaqatigiinni atuilluartuunissaq pillugu oqaluttuarnissani qilanaaraa.

- Ullut tamaasa kommunitsinni atuilluartuunissaq siunertaralugu suliniuteqartarpugut, tamatumani inunnik isumaginninneq, aningaasaqarneq kiisalu avatangiisivut eqqarsaatigalugit. Suliniutit arlallit aningaasaateqarfiit suliniuteqarfissatut isigisaat aallutilereernikuuavut. Taamaammat tikeraarneranni tikilluaqqukutsoorpavut. Taamaalillutik Kalaallit Nunaat atorluaanikkutperiarfissarpassuaqarmat ineriartortitsinikkullu aallutassarpassuaqarmat isiminnik takuniaasammassuk, Hermann Berthelsen oqarpoq.

Arfininngornermi Nuummut ingerlaqqissapput, tamatumanilu aningaasaateqarfimmi ilaasortat naalakkersuisut Pinngortitaleriffiullu sinniisaat naapeqatigissagamikkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER