Skip to main content

Tele-Postip akit apparterujussuarpai

Tele-Postip tunisassiaasa ilaasa 50 procentimik akilillinissaat inuinnaat atuisut ilimagisinnaavaat - inuinnarnut bredbånd akikinnerussanngilaq 

Tele-Post ukiup affaanut akileraareerluni 58 million koruuninik sinneqartoorpoq. Taakkulu sullitanut iluaqutaassapput. 

Taama neriorsuivoq Tele-Postimi pisortaq Steen Montgomery-Andersen.

Suli annertuumik aningaasaliisariaqarneq ilimasaarutigaa ilaatigut immap naqqatigut noqarutip isumannaarnissaanut  oqarasuaatillu angallatakkat amerlinissaannut radiomullu attaveqaatitigut. Aamma akit malunnaatilimmik appartinneqassapput, maannangaaq marluusuni ukunani: 

Atuisut inuinnaat naatsorsuutigissavaat akit 50 procentimik apparnissaat, Tele-Postimimmi oqartussaasunut neriorsuutigineqarsimavoq mobildatanut akit apparnissaat. 

Bredbåndit akikilissanngillat
Inuussutissarsiuteqartunut aamma pitsaasumik nutaarsiassaqarpoq: Tassani Tele-Postip dataservicemut "MPLS VPNimik" taaneqartartumut akit affaannanngortissavai. Akikillineri taakku nalunaarutigineqarput kingullermik brebbåndip akikillineraniit ukioq ataaseq qaangiuttorlu.

- Ajoraluartumik oqaatigisinnaanngilara allannguutit qaqugu atuutilersinnaanerat. Taamaattoq isumaqarpunga – aammallu atuisut minnerunngitsumik eqqarsaatigalugit neriuutigaara – piaartumik tamanna pissasoq, tassami qinnuteqaatip aappaa Telestyrelsimi suliarineqarnissaminut martsip qiteqqunneranili tigummineqalerpoq, aappaalu junip aallartinneranili, TELE-POST-imi pisortaanerugallartoq Steen Montgomery-Andersen oqarpoq.

Ataatsimut attaveqarnermut akimik aalajangiinissamut Telestyrelse-p siunnersuusiaani kingullermi internetimut akit apparnissaat aammattaaq siunnersuutaavoq. Inatsit pissutigalugu tamanna siusinnerusukkut periarfissaqarsimanngilaq, Sermitsiaq.AG-mut nassuiaavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER