Skip to main content

Assit: Odensemi nivariarneq siulleq

Atlantikup avannaamiuisa illussaannik sanaartorneq Odensemi aallartippoq. Nivariarnermi siullermi nivaataq inunnut marlunnut atugassiaq atorneqarpoq.

Sanaartukkap 52 millioner koruuninik akeqartup aallartinnissaanut erinarsortartoq Julie Berthelsen Atlantikullu avannaaneersut illussaannut siulittaasoq illoqarfimmut kulturimullu rådmandi Steen Møller nivariaqqaartuupput.

Odensep umiarsualiviani aaqqissuussineq inuppassuarnit silaginnera iluatsillugu nuannersumik puigulertugassaanngitsumillu misigisaqartunit ussagarneqarpoq.

Oqalugiartoqarpqo. Pauline Lumholt qilaatersorluni aliikkusersuivoq. Savalimmiormiut marluusartut erinarsorlutillu nipilersorput. Peqataasut arlalissuit inuiattut assuutiminnik atisalersorsimapput, atisallu kusanartut kusanarneqqusaatiinnarput. Aaqqissuussinermut atatillugu tupersuarmi napparneqarsimasumi Atlantikup avannaaneersut nerisassaataannik sassaallertoqarpoq.

Se tegninger af det nye hus her

Siunissami suleqatigiinnissamut periarfissat assigiinngitsut Steen Møllerip oqalugiarnermini ilaatigut qilanaarinerarpai. Nunanut Atlantikup avannaaneersunut Odensemilu umiarsualivimmut nuannaarutaasumik piorsarsimassuseq, inuussutissarsiutit takornariaqarnerlu Atlantikup avannaaneersut illuanit eqqortumik sammivilimmik ineriartortitseqataaffigineqarsinnaapput.

Atlantikup avannaaneersut illuata maanna sananeqarfigiligassaata Odense Kommunemit atserneqaqqammersimasoq Steen Møllerip oqaatigaa. Aqqusineq Atlantikup avannaaneersut illuata eqqaatigoortoq Nordatlantisk Promenademik taaguuteqassaaq. Tamannalu ilassilluarlugu ersaartaannersuaqarpoq.

2014-imi upernarnissaa inuppassuarnit qilanaarineqalereerpoq, taamaalinerani Atlantikup avannaaneersut illuat atorneqalissammat assigiinngitsunik ingerlataqarfiulluni, tamatumanilu Kalaallit Illuat qitiusumik inissisimaffeqassaaq.

Atlantikup avannaaneersut illuat, Det Nordatlantiske Hus, 2013-imi oktobarip aallartinnerani iserterfigineqarsinnaalissaaq, tassanilu Savalimmiut, Island Kalaallit Nunaallu Odensemi akimasumik saqqumilaartorujussuarmillu aallaaveqalissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER