Skip to main content

Ministeriuneq: SAR-imi upalungaarsimaneq nukittorsaavigineqassaaq

Imaatigut annaassiniarneq Danmarkimi illersornissaqarfiup suliassaraa. Taannalu ingerlalluasaaq - aamma januaarip aallaqqaataata kingorna, ministeriuneq Helle Thorning-Schmidt neriorsuivoq

Danmarkimi illersornissamut ministeri illersornissamut missingersuutinik 3 milliarder koruuningajannik sipaarniartussaavoq. Sipaarniarnerlu tamanna Kalaallit Nunaanni imaatigut annaassiniarnermut SAR-imut eqquissaaq, ilaatigut qulimiguulinnik amigaateqarneq pissutaalluni.

Kalaallit Nunaanni imaatigut upalungaarsimanerup annertusarneqarnisaanut Danmarkimi politikerit akornanni tapersersuineq annikitsuinnaasimavoq, sisamanngornermili Danmarkip, Savalimmiut Kalaallit Nunaatalu akornanni naalagaaffeqatigiit siuttuisa ataatsimeeqatigeereersullu tusagassiortunik katersortitsisoqarnerani Danmarkip suliassamik pimoorussinera oqaatigineqarpoq.

- Suliaq tamanna sapinngisamik piaartumik aaqqiivigineqassaaq. Suliaq aaqqiivigineqarsinnaaqqullugu januaarillu aallaqqaatani 2013-imi ingerlalluartumik upalungaarsimasinnaaqqulluta sapinngisarput tamaat nukingiussisariaqarpugut. Aaqqiivigineqarnissaa ilimagaara, naalakkersuisut siulittaasuat Kuupik Kleist oqarpoq.

Suliassalli qanoq aaqqiivigineqarnissaanik naalaakkersuisut siulittaasuisa Helle Thorning-Schmidtip Kuupik Kleistillu erseqqissaassuteqarsinnaanngillat.

Læs også "Enighed: Rigsfællesskabet skal styrkes"

Læs også "Så er rigsmødet i gang i Igaliku"

Læs også "Kraftig vind udsætter rigsmødet"

- Suliap qanoq aaqqiivigineqarnissaa arlaannattaluunniit maanna oqaatigisinnaanngilaa. Suliassaq aaqqiivigineqartariaqarpoq, aamma januaarip aallaqqaataata 2013-ip kingorna toqqissisimanartumik upalungaarsimasoqarnissaa soorunami qulakkeerusupparput. Danmarkimi oqartussat akisussaaffigaat, suliarlu isumagissavarput, Helle Thorning-Schmidt oqarpoq.

Illersornissamut ataatsimiititaliaq sakkutooqarfinnut paasisassarsiorluni nunatsinneeqqammerpoq imaatigut upalungaarsimaneq imaatigullu annaassiniarnermut atatillugu illersornissaqarfiup atuuffia paasiniariartorlugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER