Skip to main content

Nunap sajunnera pissanganarsimaqaaq

Qeqertami Jan Mayenimi norskit ilisimatusarfianni pisortaq oqarpoq Ittoqqortoormiit kangimut-avannamut kangianni nunap sajunnera pissanganarsimasoq 

Sisamanngormat nunap sajunnera, richterip uuttortaata malillugu 6,6-imik sakkortussusilittut uuttorneqartoq, Ittoqqortoormiillu kangimut-avannamut kangiannut 428 kilometerinik qilitik, pissanganarsimavoq.

Taamatut oqarpoq Thor Paul Tjelseth, Jan Mayenimi norskit ilisimatusarfianneersoq, qeqertarlu taanna Grønlandshavetip Norskehavetillu akornanniippoq.

- Sajussimavoq inuillu nikorfaneq sapingajapput. Sumi tamaani iikkaniittut nakkakaapput saliilutalu ulapputeqaagut, Gjeseth VG Nett-imut oqarpoq.

Sajunneq 8,5 kilometerinik itissusilimmi pivoq.

Aamma atuaruk "Tunumi nuna sajorujussuartoq"

Ilisimatusarfimmi pisortap ilanngullugu oqaatigaa tamaani taamatut sakkortutigisumik nunap sajuttarnera qaqutigoortuusoq.

Immikkut naapertorlugit ilimananngilaq nunap sajunnera atortunik annertunerusumik aseruisimassasoq.

Aamma Islands Meteorolgiske Kontor nalunaarpoq Reykjavikip eqqaani nuna sisamanngormat sajussimavoq, inuit tupatsillugit. Nunap sajunnera 4,1-imik sakkortussuseqartoq uuttorneqarpoq.

Ilisimasaqarpit assiuteqarlutilluunniit, taava inussiarnersumik qinnuigaatsigit Sermitsiaq.AG telefonip normuanut 38 39 56-imut imaluunniit redaktion@sermitsiaq.ag-mut attaveqarfigeqqullugu.

Nunap sajunnerata titartarneqarnera takujuk uani

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER