Skip to main content

Tunumi nuna sajorujussuartoq

Richterip uuttuutaa malillugu 6,6-imik sakkortussusilimmik tunumi nuna sajorujussuarpoq, amerikarmiut nakkutilliisoqarfiat USGS allappoq 

Nunap sajunnera, Ittoqqortoormiinit kangimut-avannamut kangimut 428 kilometerinik ungasissusilimmi qitilik, richterip uuttuutaa malillugu siullermik 7,0-mut uuttorneqarsimavoq.

Amerikarmiut nakkutilliisoqarfiat USGS naapertorlugu nunap sajunnerani qeqertaq Jan Mayen, Islandip avannaaniittoq, eqqorsimavaa. Nunap sajunnerata qitia Ittoqqortoormiinit kangimut-avannamut kangimut 428 kilometerinik ungasissusilimmiittoq 8,5 kilometerinik itissusilimmi pivoq, USGS paasissutissiivoq.

Nunap sajunnerata kinguninngua sakkukinnerusumik kinguneqaammik sajuppoq, richterip uuttuutaa malillugu 5,2-mik sakkortussusilimmik.

Nunap sajunnera qeqertap Jan Mayenip qanittuani pivoq. Norskeq seismolog Johannes Schweitzer NTB-mut oqarpoq, nunap sajunnerata qitia qeqertap kitaani kilometerialunnguanik ungasissusilimmiittoq, taannalu Grønlandshavetip Norskehavetillu akornanniippoq.

Nunap sajunneri amerlanerusut
Aamma Islands Meteorologiske Kontor nalunaarpoq Reykjavikip eqqaani nuna sajussimavoq, tassani najugallit sisamanngormat nunap sajunneranik tupatsinneqarlutik. Nunap sajunnera 4,1-itut sakkortussuseqartoq uuttorneqarpoq.

- Paasissutissat siulliit pissarsiavut malillugit sajunneq itisoorsuunngitsumi pivoq, Einar Kjartansson Ritzau-mut oqarpoq.

Ilisimasaqaruit assuiteqaruilluunniit inussiarnersumik qinnuigaatsigit Sermitsiaq.AG telefonip normuanut 38 39 56-imut imaluunniit redaktion@sermitsiaq.ag-mut attaveqarfigeqqullugu.

Titartagaq takuuk uani

Allaaserisaq ataavartumik nutarterneqartassaaq...

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER