Naliliineq: Imartatsinni ima uuliaqartigaaq
Amerikarmiut ujarassiuui naliliipput Nunatta imartaa uuliaqartoq nappartanut 50 milliardinut naapertuuttunik
Norskit uuliasioqatigiiffiata Statoil-ip tamanut saqqummiuteqqammerpaa teknologi-mut nutaamut nutaaliaalluinnartumut aningaasaliissuteqarniarluni, issittumi ujaasilluni qillerinernut qalluiniarlunilu qillerinernut atugassamik.
Taamaattumik Statoil-ip teknologi-mut atugassarisai 2013-imi pingasoriaatinngorlugit 255 millioner koruuniussapput, taamatut allappoq Berlingske.
Aamma atuaruk "- Kalaallit Nunaat sumiginnarnagu"
Aamma atuaruk "Kuupik: Isumaqatigiinniaqqinnissaq "sianiilliornerussaaq"
Aningaasat tamakkua ilaat Tunup avanaata avataani imaani ujaasinermut atorneqassapput, tamaani amerikarmiut ujarassiornermik misissuiffiat, USGS, naliliilluni uuliaqartoq naturgas-eqartorlu nappartanut 31 milliardinut naapertuuttunik. USGS-imi immikkut ilisimasallit eqqoriarpaat uuliap naturgas-illu suli nassaarineqanngitsup 25 procentia Issittumiittoq.
USGS naliliivoq Kitaaniinnaq, Tunumiinnaq Avannaanniinnarlu uuliaqartoq naturgas-eqarlunilu nappartanut 50 milliardinut naapertuuttunik, taamatut allappoq Berlingske.