Skip to main content

- Isorinnippaluttumik tusagassiuineq politikerit ersigigamikku?

KNR-imi soraarsitsiortortoqareersorlu Atorfillit Kattuffiata politikerit avoqqaarai, taakkua kattuffik naapertorlugu tusagassiuutit nukittuut qularnaarnissaannut naammattumik iliuuseqarsimanngimmata. KNR Mimi Karlsenimut saaffiginnippoq

Ullumi KNR-imi ullup-qeqqanut radioaviisi nalinginnaasumik minutsinik 15-inik sivisussuseqartaraluarluni minutsinik pingasuinnarnik sivisussuseqarpoq. 

Tamatumunngalu pissutaavoq atorfiit aqqanillit atorunnaarsinneqarnissaannik tallimanngornermi nalunaarutiginnittoqareersorlu KNR-imi suli sulinerminnut atatillugu ataatsimiinnerat pissutigalugu tamaginnut kiffartuussiviup ajornartoornermi upalungaarsimanerata atuutilersinneqarsimanera.

Pissutsinilli naammaginninngitsut tassaaginnanngillat KNR-imi sulisut.

Læs "Ny stor fyringsrunde i KNR"

Atorfillit Kattuffiata Erik Hammekenip kipilittunartorsiorneranni tapersersorpai:

- Nunami tamat oqartussaaqataanerannik ingerlatsiviusumi inuuvugut, arlaannaannulluunniit pituttorsimanngitsumik, isorinnippaluttumik itisiliiffiusumillu tusagassiuisarnerup pingaarnertut atuuffigisassaanni. Tamannali qulakkeerniarlugu politikerit qanoq iliuuseqarpat?

Naammattumik iliuuseqanngitsut Erik Hammeken isumaqarpoq, oqarlunilu KNR-imi soraarsitsiortornerit tulleriiginnaat pereersullu, aviisinut tapiissutit peerneqareersullu kiisalu atorfinnik inuttassarsiuussinermi ussassaarutit tusagassiuutini allani Kalaallit Nunaanneersuniinngitsoq ilanngunneqartalernissaannik politikkikkut aalajangiisoqareersorlu tusagassiuineq annikinnerulersimasoq:

Læs "Dansk radioavis i fare"

- Taamaattumik immitsinnut ima aperisariaqalerpugut: Politikerit isorinnippaluttumik tusagassiuiffigineqarnissamik ersissuteqarnertik pissutigalugu tusagassiuutinut taama pissusilersorpat? Erik Hammeken aperaaq.

KNR-imi sulisut sulinerminnut atatillugu ataatsimiinnerat piorsarsimassutsimut naalakkersuisumut Mimi Karlsenimut, IA, Inatsisartunullu ilaasortat sinnerinut allakkanik ammasunik ilusilersuinermik inerneqarpoq. 

KNR-imi sulisut oqaaseqaataat tamakkerlugit pissarsiarineqareerpata allakkat tamanut saqqummiunneqassapput. Pisoq malinnaaffigissavarput. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER