Skip to main content

Akisuanermi pisussat tamaasa takukkit

Nipilersornermik festivalimi Akisuanerit programmi tamarmi piareerpoq - Nunatsinnilu nipilersoqatigiit kakkannerpaat ilaasa saniatigut qallunaq rockimik nipilersortartoq Tim Christensen peqataassaaq 

Ukiut tallimassaa ingerlatiinnarlugu nipilersornermik festivali Akisuanerit ukioq manna Nuummi ingerlanneqassaaq. Ukioq mannalu nipilersortartut 11-t nipilersortuussapput.

Tamakkua tassaappu Tim Christensen, Hans Mortensen, Tulleriit, Qeqquaq, Sume, Jenseeraq, Zikaza, Rikka, Sussat!, Nanook aamma Arctic Spirits.

Akisuanernut atatillugu nutaajuvoq qallunaap tusaamasap Tim Christensenip aamma peqataanissaa. Taanna 1990-ikkunni Dizzy Mizz Lizzy-mi erinarsortartutut kingornalu allarpassuit nipilersoqatigisarsimavai.

Ukioq manna festivalimi taanna marloriarluni tusarnaartitsissaaq.

Atuaruk "Tim Christensen Nuummukassaaq"

Akisuanerit ukioq manna ingerlanneqassaaq septembarip 28-annit 30-annut.

Ukioq manna festivali aamma Qaqortumukassaaq, siusinnerusukkulli pisarnertut Sisimiunukassanani. Qaqortumi programmi kingusinnerusukkut tamanut saqqummiunneqarumaarpoq, aaqqissuisut oqarput.

Festivali aaqqissuunneqarpoq Atlantic Music-imit Katuaq aamma Tele-Post suleqatigalugit.

Programmi qullerpaami assinut takussutissiami takusinnaavat.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER