Sisimiuni imeq imerneqaqqissinnaanngorpoq
Sisimiuni erngup qalateqqaartarnissaanik inassuteqaat maanna atorunnaarpoq imerlu imerneqaqqissinnaanngorluni
Annonse
Nukissiorfiit Sisimiuni imermik pilersuinermik atortunik tamanik misissuisimalerput misissugassanillu nutaanik tigusisimalerlutik.
Misissugassani taakkunani Sisimiuni erngup qaffasissumik pitsaassuseqaqqilersimanera takutinneqarpoq taamalu qalatitseqqaartarnissamik inassuteqaat atorunnaarsinneqarluni, Namminersorlutik Oqartussat ullumi ilisimatitsipput.
Erngup bakteeriaqarnerulersimaneranut pissutaasoq tassaagunarpoq siallerujussuarsimanera taamalu marullummik uumassusilinnillu imeqarfimmut kuuttoqarnerulersimanera.
Imeq eqqiluitsuujunnaaraangat salikkuminaannerulersarpoq bakteeriallu ajornannginnerusumik sukuluiaavikkoorsinnaalersarlutik.