Skip to main content

Thorningip uini nunatsinnut angalaqatigissavaa

Helle Thorning-Schmidt aqagu nunatsinnut tikippat nunatta avinngarussimanerpaartaa ilanngullugu tikeraarnera aallartissaaq. Tamanna qilanaaraa - uinilu angalaqatigissavaa

Danmarkip ministeriunera Helle Thorning-Schmidt ministeriunertut siullermeerluni aqagumiit nunatsinnut tikeraalissaaq.

Ministeriunerup nittartagaa naapertorlugu Helle Thorning-Schmidt marlunngornermi Pituffimmut, Mestersvigimi Daneborgimillu angalassaaq.

Tamatuma kingorna ulluni tulliuttuni marlunni pingasunngornermi sisamanngornermilu Nuummiissaaq, ilaatigut Nuummi Ilinniarnertuunngorniarfik pulaassallugu kiisalu kalaallinik politikerinik oqaatigineqartutullu inunnik "pingaarutilinnik" allanik ataatsimeeqateqassalluni.

Nunarput sammineqartorujussuaq
Angalanera sisamanngornermi tallimanngornermilu Kujataani naassaaq, naalagaaffeqatigiit siuttuisa ataatsimiinnerat naalakkersuisut siulittaasuata Kuupik Kleistip aamma Savalimmiuni naalakkersuisut siulittaasuata Kej Leo Holm Johannesenip peqataaffigisaat Igalikumi pissammat.

- Ministeriunertut Kalaallit Nunaannut tikeraaqqaarnissara qilanaaraara. Kalaallit Nunaat maannakkorpiaq sammineqartorujussuuvoq tikeraarneralu apeqquterpassuit pingaarutillit naalakkersuisut siulittaasuannut oqaloqatiginnissutiginissaannut periarfissiilluassaaq. Tikeraarnera aamma Kalaallit Nunaata immikkoortortaasa ilaannik assigiinngitsunik takuniaanissamut periarfissiissaaq. Naalakkersuisut siulittaasuat aamma lagmandi peqatigalugit naalagaaffeqatigiit siuttuisa Igalikumi ataatsimiinneranni politikkikkut sammisat ataatsimut soqutigisarineqartut ammasumik oqaluuserinissaannut aamma qilanaarpunga, Helle Thorning-Schmidt nalunaarpoq.

Helle Thorning-Schmidtip uia Stephen Kinnock Nuummi Kujataanilu tikeraarnermut peqataassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER