Utoqqasaat: N-48 Qaasuitsumi pissartanngorpoq
Utoqqasaat Qaasuitsup kommuniani pissartanngorneriunneranni iligiit N-48-meersut marluusut aappaat pissartanngorput. I-69 sølvinnappoq, FC Malamuk bronzennattoq
Annonse
Qaasuitsup kommuniani utoqqasaat pissartanngorniunnerat ippassaq sapaammi naammassivoq, tassanilu N-48 hold 1 pissartanngorluni. Ajugaaniutivinnermi I-69 5-0-imik qularnaatsumik ajugaaffigineqarpoq.
FC Malamuk bronzennappoq N-48 hold 2-mut 10-2-mik ajugaarujussuarluni.
G-44 pissartanngorniunnermut peqataasussaagaluarpoq tallimanngornermili Ilulissanut tikissinnaasimanani.
Aappaagu Qaasuitsoq Cup Uummannami pissaaq, iligiiaallu amerlanerit peqataanissaat peqataasunit neriuutigineqarpoqr.
Ukioq manna iligiiaat qulaani taaneqartut sisamaannaat peqataapput - peqataasullu tamarmik imminnut unammisaqattaareermata N-48 hold 1 aamma I-69 ajugaaniutivinnermut ingerlaqqipput.