Skip to main content

WWF: Pingaarnersiuinerit nutaat, qujanaq

Issittumi suleqatigiinneq naalagaaffeqatigiit piumasaqaataannik qulakkeerinninnissamit pingaarneruvoq

Killeqarfimmut tunngasut isiginiarnerunagit suleqatigiinnerup qulakkeernissaa isiginiarneqarnerusariaqarpoq. Issittumi pingaarnersiuinerit taamaattariaqarput, WWF-imi allattuuneq Gitte Seeberg Kristeligt Dagbladimi allappoq.

Allaaserisaq Qalasersuarmut ilisimasassarsiortoqarneranik aallaaveqarpoq, tamatumani Issittumi killeqarfiit Naalagaaffinnit Peqatigiinnit aalajangersarneqartussanngorpata naalagaaffeqatigiit piumasaqaataannut tapertaasussanik ilisimatuut paasissutissanik katersillutik.

Læs "Grønland vil eje Nordpolen"

Kisianni Kalaallit Nunaata, Danmarkip, Ruslandip Canadallu nunamik imaanillu sapinngisamik annertunerpaamik pissarsiniarlutik sukataarutiginnittut piffissaq suleqatigiinnermut atortariaqaraluarpaat:

- Nukiit killeqarfinnik aalajangersaanissamut tunngasuni atornagit nunarsuup ilaata mianernartup tamatuma nunarsuarmioqatigiinnit ingerlalluartumik suleqatigiiffiunissaanik qulakkeerinninnissamut nukiit amerlanerujussuit atorneqartariaqarput, Gitte Seeberg allappoq.

- Umiarsuit Tunup sineriaatigut avannamut ingerlaartalerpata, Ruslandimut Kinamullu niuerfinnut aqqutit ammarpata kiisalu uuliasiorluni aatsitassarsiorlunilu qillerinerit aallartippata tamatuma illersornissaa unammilligassarujussuussaaq.

Taamaattorli Kalaallit Nunaata Issittumi isumalluutinik iluaqutiginninnissamik kissaataa akornusernianngikkini erseqqissaatigaa:

- Kalaallinut nunarsuarmi inuianni siullersaallutik isumalluutiminnik atueqqusaannginnerannik oqarnissaq tamatumani pineqanngilaq.

Læs "Velkommen til Nordpolen"

Kisianni tamatuma nungusaataanngitsumik, isumaliutigilluagaasumik isumatuumillu pinissaa pingaartuuvoq. Nukiit aningaasallu isumalluutillu amerlanerit ingerlatat amerliartortut ataqatigiissaarnissaannut upalungaarsimanerillu sunniuteqarluartut qulakkeernissaanut atortariaqarpavut.

Gitte Seeberg naluneqanngitsutut De Konservative sinnerlugit Folketingimut EU-parlamentimullu ilaasortaasimasoq partiimillu Ny Alliancemik pilersitseqataanermigut maluginiarnartuliorsimasoq ilanngullugu oqarpoq Verdensnaturfonden ukioq manna issittumi angalasimasoq. Angalanerullu tamatuma avatangiisit pillugit suleqatigiinnerup nukittorsarneqarnissaata pingaaruteqassusia takutissimagaa:

- Silap pissusaata allanngornerata Issittumi najugalinnut 4 millioninut kinguneri paasisaqarfiginerujumallugit angalaqatigiit innuttaasunik oqaloqateqartarsimapput. Sikuusarunnaarpat sikumit piniarneq aalisarnerlu ajornakusoornerulissapput. Siku ukiuunerani aamma assartuinermi aqqutaavoq pingaarutilik, qajannarsippalli illoqarfiit inuiaqatigiillu tikinneqarsinnaajunnaassapput, Seeberg allappoq.

Læs "Danske forskere på vej mod Nordpolen"

- Silap pissusaata allanngornerata sakkortusiartornera nunarsuullu immikkoortuata ammariartornerata peqatigisaanik allanngornerit inunnut, pinngortitamut, uumasunut pinngortitamilu ataqatigiinnermut mianernartumut pisussat paasiumallugit aningaasaliisariaqarpugut. Sumiiffinni assigiinngitsuni pissuseq qanoq ippa? Aamma tatineqarneq unammilligassallu annertuut silap pissusaata allanngorneranit, umiarsuarnit suliffissuarnillu pilersinneqartut akiorsinnaavaat?

- Apeqqutit taakkua samminerusariaqarpavut, unammilligassarpassuarnut tamakkununnga iliuuseqartoqarsinnaaqqullugu. Ullumikkummi taamaaliorsinnaanngilagut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER