Skip to main content

Ikiuiniarluni atugassat annikitsuinnarmik amerlnerat isorineqarpoq

Qallunaat aningaasanut inatsisissaattut siunnersuutaanni saqqummiunneqaqqammersumi ikiuiniarnermi atugassarisat, ilaatigut Danmarkimi kalaallit atugarliortut ikiorniarnerannut aningaasalliissutaasartut, annikitsuinnarmik qaffanneqarput 

Danmarkimi angerlarsimaffeqanngitsut ikiaroornartunillu atornerluisut ikiorneqarnissaannut amerlanerusunik aningaasaliisoqanngilaq, aningaasarsiornikkut ajornartorsiornerup nalaani inuit atugarliortut amerleriarsimagaluartut.

Taamatut tikkuaavoq Jann Sjursen, Rådet for Socialt Udsatte-mi siulittaasoq, aningaasanut inatsisissatut siunnersuummi takoreerlugu atugarliortunut ukiuinissamut atugassarisatut taaneqartartut qanoq annikitsiginersut.

- Inuiaqatigiinni atugarissaartuni qallunaatut ittuni inuiaqatigiinni atugarliornerpaat pingaarnerutinnissaannut akissaqartariaqarpugut, aningaasaqarnermut ministeri sipaarnialeraangat eqqorneqartaqqunagit, Jann Sjursen oqarpoq.

Marloriaammik sakkortussusilimmik eqquivoq

Ikiuinissamut atugassarisat nikinnatik 265 koruuniupput. Taakkua akissarsiat qaffariartornerat malippaat. Akissarsiat qaffariarnikimmata atugassarisat ikittuupput. Piffinni atugarissaarfiusuni, angerlarsimaffeqanngitsut taama amerlatiginngikkallarmata, ikiuiniarnermi atugassarisat 1 milliard koruunit sinneqarsimapput.

 

- Atugarliortut marloriaammik eqqorneqarput suliffissaqanngimmat, Jann Sjursen oqarpoq.

Taassuma ersissutigaa aningaasat 2013-imi nunguppata ornittakkat sivikinnerusumik ammasalissasut angerlarsimaffeqanngitsunullu periuseerutissasoq. Periutsimi anguniarneqarpoq angerlarsimaffeqanngitsut ikilisarnissaat ataatsimut ikiuiniarnikkut, inissiassaannaanngitsutigut.

Atugarliortut sammillugit
Naalakkersuisut partiit isumaqatigiinniarfigissavaat ikiuiniarnermut atugassarisat qanoq agguaanneqassanersut. Namminneq tikkuarpaat meeqqat inuusuttullu atugarliortut, gruppit atugarliortut peqqissusiat, akulerutsitsineq aamma siusinaartumik utoqqalinersialinnut suliffissaqarneranilu sulisartunut annertunerusumik iliuuseqarnissaq.

Aningaasaqarnermut ministeri Bjarne Corydon (S), aningaasanut inatsisissatut siunnersuut saqqummiunneqarmat oqarpoq gruppit atugarliortut naalakkersuisut samminiaraat.

Naalakkersuisut aamma pissamaatinik immikkoortitsisimapput atugarliortut iluaqutigisinnaasaannik - mingutsitsinngitsumik suliniutit, inuussutissarsiornermut politikki, akulerutsitsineq inuusuttullu peqatigalugit.

Kalaallit Nunaat ataasiarluni taaneqarpoq
Pissamaatitut immikkoortinneqarput 500 millioner koruunit aamma 400 millioner koruunit.

Pissamaatit taamaattut aamma pigineqarsimapput talerperliit naalakkersuisuugallarmata. Misilittagaavoq tamakkua gruppinut atugarliortunut iluaqutaaneq ajortut, Sjursen tikkuaavoq.

Naalakkersuisut 2013-imut aningaasanut inatsisissatut siunnersuutaanni Kalaallit Nunaat ataasiaannarluni taaneqarsimavoq. Tamanna pivoq eqqartuussivinnut immikkut 171 millioner koruuninik aningaasaliissuteqartoqarneranut atatillugu.

- Sulianik ingerlatseqqinnissamut kiisalu Kalaallit Nunaanni eqqartuussiveqarnerup aaqqissuuteqqinneranut il.il. 2013-imi eqqartuussiviit 171 millioner koruuninik atugassaqartinneqarput, allassimavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER