Issittoq ullumi aqagulu

Aalborg Universitet ataatsimeersuartitsivoq kalaallit Nordjyllandimi attaveqatigiiffii nukittorsarneroqqullugit

Ataatsimeersuarneq soqutiginnittunik 60-inik aggersitsivoq. Assi: Rimdal Th. Høegh Birgit Kleist Pedersen, professor, Ilisimatusarfik, kalaallit isiginnittaasiannik oqalugiaateqarpoq, saqqummiussisunit kisiartaalluni tusarusunneqarpallaanngitsoq "eskimo" oqaatigalugu taamaattoq qungujulluni. Assi: Rimdal Th. Høegh

Ilisimatuut 60-it, ilinniartut, Kalaalllit Nunaannit, Canadamit, Danmarkimit, atorfilittat, soqutigisaqatigiiffinnit aamma suliffeqarfinnit inuit issittumut tunngassuteqartut tallimanngornermi Aalborg Universitetimi naapeqatigiipput.

Issittumi kulturi aamma ilinniartitaaneq piorsarneq aamma ilisimatusarneq pillugu ingerlatsivik aamma taaneqartartoq CIRCLA Issittumi ullumi aqagulu ataatsimersuassutigaat.

Aalborg Universitetimi Dekan for Humanistisk Fakultet, Lone Dirckinck-Holmfeld peqataasunik tikilluaqqusivoq oqaluttuaralugu CIRCLA tassaavoq attaveqaqatigiinneq, aaqqissuussineq aamma Issittumut tunngassuteqartunik Aalborg Universitetimi ilisimatusarnermik ineriartortitsinermik tapersersuineq.

- Aalborg Universitet ukiorpassuarni Kalaallit Nunaannik suliffeqarfinnik assigiinngitsunik aamma ilisimatusartunik suleqateqarnermit misilittagaqarpoq, tamakku Kalaallit Nunaanni aamma Issittoq pillugu ilisimatusartusagaqartunik. Centerip aallartinnera iluaqqutigalugu aningaasanik nukissanillu amerlanernik suliassaqarfimmut tassunga atugassiisinnaavugut, immikkoortunik allanik pilersitsisinnaalluta pingaarnerpaavorlu nukissagut ilisimatusarnivullu katersuutsikkutsigit annermik angusaqaqatigiinnissaq. Tamanna aamma isumaqarpoq allanngortitsisinnaasumik angusaqarsinnaasugut, Lone Dirckinck-Holmfeld.

Taassuma ilaatigut eqqaavaa Nordjyllandimi ukiorpassuarnik Kalaallit Nunaannik suleqateqartarneq. Aalborg Kommunep immikkoortortaa taavaa, tamaani suliffeqarfippassuaqarpoq ilaatigut Aalborg Havn, Royal Arctic Logistics aamma ilinniarfiit. Attaveqaqatigiinnermik ingerlatsiviit nukittuut marluk aamma taava: Arctic Business Network aamma Arctic Educational Netværk.

- Attaveqarfigisinnaasat misigisartakkallu ilisimatusaqqinnissamut pingaaruteqarpoq. Taamaattumik CIRCLA inuiaqatigiinni taakkunani imminut ataqatigiissusermik sanarfinissamut atorneqartariaqarpoq. Qularutiginngilarput tamassuma ilisimatusarneq aamma ilinniartitaaneq nukittorsassagaat attaveqaqatigiinneq, inuussutissarsiorneq inuinnaallu akornanni Issittumi ilisimatusarnissamik sanaartoqataasinnaasut, taanna oqarpoq.

Oqalugiartut ilagaat Ilisimatusarfimmi professori Birgit Kleist Pedersen aamma issittumi aallartitaq Klaus A. Holm, taakkua silap pissusaata allanngoriartorneranit allat allanngoriartortut eqqartorpai, ilaatigut Ishavet-imi imaatigut angalasinnaalerneq.

Powered by Labrador CMS