Skip to main content

Naggataa tikillugu pissangasoqarpoq

Leif den Lykkelige Maraton sapaatip akunnerata siuliani naanerani Kujataani ingerlanneqarmat ajugaasussaq naggataa tikillugu pissanngatigineqarpoq

Leif den Lykkelige Maraton 2012, pingajussaannik aggustip 18-ianni ingerlanneqarmat Kujataani Qassiarsuk aallarfiullunilu apuuffiuvoq. Sila aamaasiit nuannerluinnarpoq.

Takissutsit assigiinngitsut pingasut ingerlanneqarput: Maraton 42,195 km, maratonip affaa 21,5 km aamma maratonip kuartia 10,5 km.

Takissutsit tamarmik arnanit angutinillu peqataaffigineqarput. Arpaffik savaateqarfiit akornanni ujaraaqqanik aqqusinniakkut ingerlanneqarpoq Nunataaq, Inneruulalik aamma Issormiut aqqusaarneqarlutik. Aqqut assigiinngisitaarpoq qatsissorasaarluni qummut ammullu arpaffigineqartussaalluni. Maratonimik arpaffiup ilaa 1.202 meterinik qatsissusilimmiippoq. Maratonip affaanik arpaffiup qatsinnerpaaffia 675 meterimiippoq maratonillu kuartianik arpaffiup qatsinnerpaaffia 505 meteriniilluni.   

Arpaffimmi maniinakuluttumi unammineq sakkortuvoq unamminerni marluinni ajugaasussat aatsaat kilometeri kingulleq ingerlanneqartoq kikkuussanersut paasinarsipput. Angutini maratonimik ilivitsumik affarmillu arpattuni ajugaasoq kinaassanersoq kilometeri kingulleq ingerlanneqarmat aatsaat kinaassanersoq paasinarsilluni.  

Angutit maratonerneranni Lars Rasmussen ajugaasuuvoq atorlugit nal. ak. 4, minutsit 10, sekundillu 50.

- Arpaffik sakkortooq ingerlavigiuminaatsoq, Lars oqarpoq nangillunilu asfaltikkut arpassimasuuguni taamatullu qummukajaaqartigisumi minutsinik 50 - 60-inik sukkanerusimasinnaagaluarluni. 

Arnat maratonerneranni Inge Seiding ajugaallualaavippoq. 

- Sakkortussusaata saniatigut, qatsissutsit aqqutillu ilungersunarnera (ujaqqat, ujaraaqqat aamma issoq) saniatigut ingerlaarfik tupinnaannartumik pinnissuseqarpoq. Aqqut qaqqatigut qorsuusukkut, tatsit sinerlugit, nunaatit naggorissaqqammisut kiisalu sermersuarmik takusaqallatsiartarnerit taavalu kangerlummi sikorsuit ingerlaarusaartut arpattunut isigisassaapput pinnerluinnartut. Kujataa taamaaligaangami pinnissusia allanit nallerneqarsinnaanngilaq, Poul H. Jørgensen arpatsitsinermik aqutsisoq Sermitsiaq.AG-mut oqarpoq.  
I kvindernes maraton var Inge Seiding en suveræn vinder.

- Leif den Lykkeliges Maratonianik ingerlatsineq immikkorluinnaq ipput. Arpannissaq aqaguttorli namminneq kajumissutsiminnik aaqqissuusseqataasut piareersaallutik aallartipput. Arpattussat aaqqissuusseqataasullu arpanneq aqaguttoq pastatoqatigiillutik nuannisaqatigiipput Cafe Brattahildmi aaqqissuunneqartumi. Namminneq kajumissutsiminnik suleqataasut kaffisorniartarfimmi aamma unnuipput. 

- Ullormi arpaffissami peqataasussat ullaakkorsioqatigiipput amerlanerit allanit tikillutik aamma tassaallutik namminneq kajumissutsi naapertorlugu suleqataasut. Naammassilluni nereqatigiinneq Cafe Brattahildimi aamma ingerlanneqarpoq peqataasut ikiuuttullu nerersuaqatigiillutik. 

- Ullormi arpaffimmi aallarfimmi apuuffimmilu inuppassuit katersuupput. Inuit Qassiarsunneersut, tikeraat takornariallu. Nuanneqaaq pingaartumik nunaqarfimmiut nerrivilersoriarlutik tamulugassanik, assassukkanik allanillu tuniniaagamik, soorlu savap meqquinit eqisitat atisaliallu kusanarnerpaat. 

- Peqataasut ilaata (ajugaasut ilaasa) oqaatigisaatut; Leif den Lykkeliges Maratonimik ingerlatsisut eqqaanni misigisassaq immikkorluinnaq ittuuvoq. Kingulliulluni apuuttoq sivisunerpaamik ilungersorsimasup apuunnermini naatsorsuutigisariaqarpaa ajugaasumilluunniit ersaattaaneqarnerunissani, Poul H. Jørgensen oqarpoq. 

 

Inernerit:
Peqataasut, piffissat, inissinneq arpaffiit takissusii tamarmik 

Arnat, maraton
18 Inge Seiding 4. 20. 48 1
16 Inge Lise Paviassen 5. 26. 23 2
68 Birgithe Høegh Lyberth 5. 46. 40 3
6 Nauja Brøns 6. 03. 38 4
14 Charlotte Rasmussen 6. 32. 52 5
66 Thora Godtfredsen 6. 57. 11 6
  
Angutit, maraton
11 Lars Rasmusen 4. 10. 50 1
47 Vilhelm Rasmussen 4. 11. 38 2
18 Teit Groth 4. 17. 30  3
65 Henrik E. Nielsen 4. 32. 21 4
69 Vittuaraq Isbosethsen 6. 19. 39 5
  
Arnat, maratonip affaa
83 Suka Fredeiksen 2. 23. 38 1
88 Kirsten Vahl 2. 28. 31 2
94 Grethe G. Nielssen 2. 49. 43 3
83 Esther Kleist 3. 14. 44 4
91 Johansine Bentsen 3. 55. 50 5
  
Angutit, maratonip affaa
98 Sune Andersen 1. 43. 49  1
90 Marner Nolsøe 1. 44. 52 2
82 Jens Enok Hansen 2. 07. 27 3
93 Aggu Bentsen 2. 30. 44 4
92 Eskild Godtfredsen 2. 42 40 5
84 Bent Hansen 2. 58. 41 6
  
Arnat, maratonip kuartia
77 Nivi Kleist 1. 13. 35 1
106 Avaaraq Olsen 1. 16. 01 2
79 Erikka Baadh 1. 16. 56 3
104 Judithe Kaspersen 1. 22. 45 4
110 Susan Kragh 1. 25.16 5
76 Linda Lund 1. 34. 13 6
  
Angutit, maratonip kuartia
72 Gunnar Frederiksen 57. 03 1
108 Ilanguaq Josiassen 1. 13. 01 2
75 Peter Danielsen 1. 15. 16 3

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER