Skip to main content

Kuultisiorfiup akileraarutigisartagaa isertuunneqartoq

Karl Lyberth, Siumut, apeqquteqaatigaa Angel Miningimit Kalaallit Nunaannut akileraarutit qanoq annertutiginersut, akissutisissaat: Tamanna oqaatigineqaqqusaanngilaq

Angel Mining, Nalunami Napasorsuup alannguani kuultisiorfimmik ingerlatsisoq aggustimi 95-inik sulisoqarpoq, 49-it nunaqavissuupput sinneri 46-t tikisitaallutik. 

Akissut taanna Karl Lyberthip Siumumeersup pissarsiaraa, paragraf 37 aqqutigalugu kuultisiorfimmi sulisut qassiuneri akileraartarnerannullu pillugu apeqquteqaateqarnermini. Aatsitassanut naalakkersuisoq Ove Karl Berthelsen, Inuit Ataqatigiit assigiinngitsut pillugit apeqquteqarfigaa. Ilaatigut sulisut qassiunerat, taakkua Kalaallit Nunaannut attuumassutaat akileraarnerullu kingorna Kalaallit Nunaata aningaasat qanoq amerlatigisut pissarsiarisarnerai.

- Akileraartarnermut tunngasut akileraartarneq pillugu aqutsisoqarfimmit akineqartussaapput. Kisianni apeqqut namminersortut ingerlatsiviata aningaasaqarneranut tunngassuteqarmat, paasissutissat allanut oqaatigeqqusaanngitsut pineqarput kikkunnut tamanut saqqummiuteqqusaanatik, Ove Karl Berthelsen akivoq.

Tamatuma saniatigut Karl Lyberthip apeqqutigaa piiaanissamut aamma misissueqqaarnissamut akuersissutit ingerlatsivinnut qanoq agguataarneqarnersut.  

- Kalaallit Nunaanni Inuussutissarsiortut allattorsimaffianni allassimavoq, Angel Mining, gold inuussutissarsiortutut nalunaarsorneqarsimalluni. Ingerlatsivimmit ilaatigut anguniarneqarpoq Nalunami piiaanissamut akuersissut piginnittumit Angel Mining Pic, pigineqartoq atorlugu piiaasinnaaneq. Kisianni qanoq isilluni Angel Mining, gold, misissueqqaarnissamik ingerlatsiviusinnaava peqqissoq, ingerlatsiviup pisinnaatitsissutaa allamut tunniunneqarsinnaappat? Pissutigerpiarlugu aatsitassat pillugu inatsisini allassimammat, ingerlatsiviup Kalaallit Nunaanni angerlarsimaffeqarnera. Ingerlatsiviup sorliup Napasorsuup alannguani kuultisiorfik kiap ingerlappaa?, Karl Lyberth aperivoq.  

Ove Karl Berthelsen akissuteqaammini allappoq, Nanortaliup eqqaani pisinnaatitsissut killeqartoq taamaattoq Napasorsuup eqqaaniunngitsoq kisiannili aatsitassanik inatsit naapertorlugu aatsitassarsiornermik ingerlatsinivik nammineq allanit ingerlanneqarsinnaasoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER