Containerinik assartuut putoqarpoq

Umiarsuaq ikkarlittoq "Vega Sagittarius" timitamigut putusimavoq. Sisamanngornermi ualikkut umiarsuarmut imermik isaasoqanngilaq

Umiarsuaq containerinik assartuut 139 meterinik takissusilik ”Vega Sagittarius”, ukioq manna suliaralugu naammassisoq sisamanngornermi Nuup kitaani ikkarlippoq. Assi: Karina Kleist
”m.v. Vega Sagittarius” Nuummit Aasiaat tungaannut ullakkat nal. 07.00 aalarami, Nuummit 12 sømilinik ungasissuseqarluni ikkarlippq. Grafik: Google/marinetraffic.com
Umiarsuaq containerinik assartuut 139 meterinik takissusilik ”Vega Sagittarius”, ukioq manna suliaralugu naammassisoq sisamanngornermi Nuup kitaani ikkarlippoq. Assi: Karina Kleist ”m.v. Vega Sagittarius” Nuummit Aasiaat tungaannut ullakkat nal. 07.00 aalarami, Nuummit 12 sømilinik ungasissuseqarluni ikkarlippq. Grafik: Google/marinetraffic.com Umiarsuaq containerinik assartuut 139 meterinik takissusilik ”Vega Sagittarius”, ukioq manna suliaralugu naammassisoq sisamanngornermi Nuup kitaani ikkarlippoq. Assi: Karina Kleist ”m.v. Vega Sagittarius” Nuummit Aasiaat tungaannut ullakkat nal. 07.00 aalarami, Nuummit 12 sømilinik ungasissuseqarluni ikkarlippq. Grafik: Google/marinetraffic.com Umiarsuaq containerinik assartuut 139 meterinik takissusilik ”Vega Sagittarius”, ukioq manna suliaralugu naammassisoq sisamanngornermi Nuup kitaani ikkarlippoq. Assi: Karina Kleist ”m.v. Vega Sagittarius” Nuummit Aasiaat tungaannut ullakkat nal. 07.00 aalarami, Nuummit 12 sømilinik ungasissuseqarluni ikkarlippq. Grafik: Google/marinetraffic.com

Umiarsuarsuaq containerinik usisartoq "Vega Sagittarius", sisamanngornermi ullaakkut Nuummit 12 sømilinik avasitsigisumi ikkarlittoq timitamigut putusimavoq.

Qujarnartumik putoq - annertussusaa ilisimaneqanngitsup - sisamanngornermi ualikkut immap killingata qulaaniippoq. Taamaattumik umiarsuarmut 139 meterinik takissusilimmut Royal Arctic Linemit attartorneqarsimasumut imermik isaasoqanngilaq.

Taamak oqaluttuarpoq Politimesterembedemit Claus Lyngholm Risbjerg, Sermitsiaq.AG-mut.

- Maannakkut misissorparput ulinnissaanut umiarsuarmut imermik isaasoqalersinnaanera.

- Inuttat 17-it akornanni ajoqqusertoqanngilaq. Politiit, qatserisartut aamma Kalaallit Nunaanni Sakkutooqarfimmit umiarsuup eqqaaniititsisoqarpoq, Claus Lyngholm Risbjerg ilisimatitsivoq.

Taanna oqaluttuarpoq arlaannik aniasoqalissagaluarpat iluaqqutaasinnaasunik puttasunik inniminniisoqartoq, naak manna tikillugu taamak pisoqanngikkaluartoq. Aamma ikkarlinnermut tunngaviusoq misissorneqarpoq.

Filippinerit 16-it qallunaarlu ataaseq
- Ullumi umiarsuup aquttua oqaloqatigaarput, taassuma annilaanngatigaa umiarsuaq kivisinnaasoq. Ilissi qanoq naliliivisi?

- Manna tikillugu umiarsuup kivisinnaanera ilimagineqanngilaq. Allanngortoqarsinnaavorli paasinarsissappat umiarsuarmut imermik isaasoqalernissaa. Tamannarpiaq maannakkut misissorneqarlunilu nalilersorneqaleruttorpoq, Claus Lyngholm Risbjerg oqarpoq, taassuma kajumissaarutigaa inuit umiarsuarmut qanillattornaveersaarnissaat, containerinik pajuttaatip ikkarlinnikup eqqaani sulinermut akornusersuisoqannginniassammat.

Umiarsuaq 139 meterinik takissusilik Royal Arctic Linemit attartugaasoq nal. 08.30 missaani nalunaarutigaa Nuup kitaani 12 sømilinik avasissusilimmi ikkarlippoq.

Umiarsuaq 17-inik inuttaqarpoq - filippinerit 16-it qallunaarlu ataaseq, Claus Lyngholm Risbjerg Sermitsiaq.AG-mut ilisimatitsivoq.

Powered by Labrador CMS