Atuarfimmut mamakujuttutorfiunngitsumut tikilluaritsi

Narsap Atuarfiani ukioq atuarfiusoq nutaaq aallartillugu mamakujuttunik sukkutorneq taamaatippoq

Ukioq manna Narsami atualeqqaartut 17-iinnaapput. Aatsaat taamak ikitsigisunik atualeqqaartoqarpoq. Assi: John Rasmussen

Kujataani aasarluni qilak allaaqqeqisoq ataasinngornermi atuartutut inuuneq kingumut aallartippoq, atualeqqaat angajoqqaatik ilaquttatillu tulluussimaaqisut ilagalugit atuarfimmut takkussuullutik.

Narsami atuarfiup pisortaa Niels Egede Høegh, naatsumik oqalugiarpoq, ilaatigut oqaluttuaralugu ukioq atuarfiusoq nutaaq aallartillugu atuarfimmut mamakujuttut nassaqqusaajunnaartut. Tamatuma kingorna Annaassisunnguatta atorlugu tussiaqatigiittoqarpoq, Air Greenlandip helikopterianit akornusersorneqangaatsiarluni, taannami atuarfik qulaallugu timmigami.

Ukioq manna atualeqqaat 17-it Narsami aallartippoq. Aatsaat taamak ikitsigisut Narsami atualersut Sermitsiaq.AG-p Narsami attaveqarfiat John Rasmussen oqaluttuarpoq.

Powered by Labrador CMS