Skip to main content

Nuummut pitinnagu: Tim nersualaarneqaqisoq

Tim Christensenip Nuummi septembarimi marloriarluni tusarnaartitsinissaa sioqqullugu tusarnaartitsinera kingulleq BT-p ullorissanit arfinilinnit tallimanik nalilerpaa 

"Tim Skanderborgimi torrallaasoq - pisarnermisut".

Taamatut qulequtaqarpoq Tim Christensen & The Damn Crystals-ip Skanderborg Festivalimi naammasseqqammersumik tusarnaartitsineranik naliliinera.

Naliliinermi, ullorissanit arfinilinnit tallimanik ullorialiisumi, ilaatigut allassimavoq:

"Qularnaarsumik Dizzy-kut klassikeriinik soorlu "Love Is A Loser´s Game" aamma "Waterline", aamma "Jump The Gun", "Happy Ever After", aammalu "Time Is The Space Between Us", atuinerannut Paul McCartneyp atugaanut"Live and Let Die" rockimik tusarnaartitsineq nalissaqanngilluinnarpoq.

Aamma atuaruk "Tim Christensen Nuummukassaaq"

Kakkaak nipilersullaqqimmata, kakkaak erinarsukkat torraammata aammalu kakkaak - naggataamik - nuannermat suli nipilersortartoqaratta nipilersornikkut naleqartitanik dynamik-imik, oqimaaqatigiinnermik peqatigiinnermillu ingerlalluartumik TIm-itut aamma Damn Crystal-itut pingaartitsitigisunik.

Aap, ilami allaat nukappissat taakkua ukioq manna tunniussimasaannut, misigisanut nuannersunut tamanut, qujarusunnangajapporluunniit. Aammattaarli ingasaassissanngilagut...", ilaatigut BT-p naliliinerani allassimavoq, taannalu tamakkerlugu atuarsinnaavat uani.

Tim Christensen Nuummiissaaq Akisuanerit Festivalimut atatillugu, septembarip 28-anniit 30-iannut ingerlanneqartussami. Illoqarfiit pingaarnersaanni tusarnaartitsinissaa Medinap taamaatitsiinnarneranut attuumassuteqanngilaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER