Skip to main content

KNR oqaatsit pillugit isornartorsiorneqareerluni: Pikkorinnerulersinnaavugut

KNR-imi akisussaalluni aaqqissuisup isumaqatigaa inuiaqatigiinni kiffartuussilluni tusagassaqartitsivik oqaatsitigut pitsaanerusumik ingerlatsisinnaasoq. Tamanna isornartorsiuinerup kingurisaanik pivoq 

Tusagassiuinermi Sulisut Peqatigiiffiani siulittaasoq Mariia Simonsen sisamanngormat nunatsinni tusagassaqartitsivinnik appisaluussivoq isumaqarluni pitsaasumik oqaatsinik atuinissartik sumiginnarsimagaat. 

- Ingammik nuna tamakkerlugu radio tv-lu pakatsissutigaakka. Ullut tamaasa maalaarutit tusaajuartarpakka nuna tamakkerlugu tusagassiiviup oqaatsitigut pitsaannginnerujussuanik, Tusagassiuinermi Sulisut Peqatigiiffiata siulittaasuat ilaatigut taama oqarpoq, isumaqarlunilu aviisit kalaallisut qallunaatullu oqaatsitigut kukkuneqarpallaartartut.  

Læs også "Journalister: Gør noget ved sproget i vores medier"

KNR-imi nutaarsiassaqartitsinermi pisortaq akisussaallunilu aaqqissuisoq Mikkel Bjarnø Lund oqarpoq tusagassiortut siulittaasua KNR-imit isumaqatigineqartoq. 

- KNR inuiaqatigiinnik kiffartuussilluni tusagassaqartitsisoq oqaatsit paarinissaannut ineriartortinnissaannullu pingaarutilimmik inissisimavoq. Aammali nassuerutigisariaqarparput kalaallit oqaasiisa atornissaannut annertuumik suliassaqartoq. Tassaavoq meeqqat atuarfiani, ilinniarnertuunngorniarfimmi, ilinniarfinni ingerlaqqittuni ilinniartitsinermit inuiaqatigiinnilumi nalinginnaasumik oqaatsit atorneqarnerannut tunngasumik suliassaq annertooq. KNR-imi pitsaanngitsumik inissisimaneq peqquteqarajuttarpoq meeqqat atuarfiini ilinniarfinnilu ingerlaqqittuni ilinniartut naammattumik kalaallisut ilinniartinneqarsimasannginnerat. Tamanna ulluinnarni malugisarparput, aammali ulluinnarni ulapaarfiup nalaani iluarsiuminaattarlutik, Mikkel Bjarnø Lund oqarpoq.

Oqaatsit paarinissaat ineriartortinnissaallu
- Oqaatsit paariniarlugit ineriartortinniarlugulli KNR-imi ataavartumik sulisarpugut. Ulluinnarni oqaaseqatigiit oqaatsinillu atuineq naqqinniarlugit nukippassuit atortarpavut, piffissarlu taanna imarisanut atorusunnerugaluarparput. Radioavisimi Qanoruumilu aaqqissuisut oqaasertassat misissortarpaat pitsaassusaat naammaginaqqullugu. Taamaattunik atugassaqarpugut, nassuerutigisariaqarparpullu pikkorinnerulersinnaagatta.

- Taamaattumillu qujamasuutigisarparput isiginnaartut naalaartullu oqaatsinik atuinitsinnut oqaaseqaateqartarmata, taakkulu aaqqissuuinermi ataatsimiinnermi oqaluuserisarpavut. Kalaallit oqaasiisa atornissaannut ilinniartitsisoqartuarsimavugut, aammalu tamanna pillugu Oqaasileriffimmik isumaqatigiissuteqarluta. Qanoruumi aaqqissuisumik atorfinitsitseqqammerpugut, taassumalu allatat tamaasa akuerisassavi oqaatsillu nukittorsarlugit, Mikkel Bjarnø Lund oqarpoq.

Piffissaq iluatsillugu oqaatigineqartuartartoq naqqinniarpaa, tassalu KNR qallunaajunerusunik aaqqissuisoqartartoq. KNR-imi akisussaallutik aaqqissuisut aaqqissuisullu aqqanillit akornanni qallunaat marluinnaapput. 

- Taamaattumik taamatut oqarneq tunngavissaqanngilaq, KNR-mi akisussaalluni aaqqissuisoq Mikkel Bjarnø Lund oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER