Skip to main content

Ulloq ataaseq aqqusinerni misissuineq: 33 unnerluunneqarput

Ataasinngornermi Ilulissani aqqusinermi angallannermi misissuisoqarmat 33-t unnerluunneqarput - tamanna politiinit tupaallaatigineqaqaaq. Sapaatip akunnera naallugu suniut ingerlanneqarpoq

I denne uge kører politiet i Ilulissat en færdselskampagne for at sikre trafikken.

Sapaatip akunnerani massumani Ilulissani aqqusinermi angallannermi nakkutilliineq ingerlanneqarpoq angallannerup toqqissisimanarnissaa qulakkeerniarlugu.

Ataasinngornermi ullormiu siullermi aqqusinermi angallattut 68-t unitsinneqarput.

- Tamatuma kingunerisaanik 33-t unnerluunneqarput tsmanna tupaallaatigisorjussuuara, ulluinnarni Ilulissani politiit aqutsisuat, Karl Vinther oqarpoq. Piffissami matumani avannaani politiit immikkoortortaqarfianni pisortaanerugallartoq. 

- Isumaqarpunga amerlasut. Aqqusinermi angallannermi inatsit nutaaq Kalaallit Nunaanni oktobarip aallaqqaataa 2008 atuutilersoq unioqqutinneqarpoq. Inuit sungiussinissaminnut piffissaqarluaraluarput. Inatsit taanna naapertorlugu meeqqat pingasut inorlugit ukiullit meeqqat issiavianni akuerisaasumi biilimut sukateqqasumi issiasussaatitaapput. 

Karl Vinther Sermitsiaq.AG-mut ilisimatitsivoq, unnerluussutini 33-ni meeqqanit issiavimmi sukaterneqanngitsunit, inersimasut qitequteqanngitsut aamma soorlu assakaasunut nungullarsimavallaartunut. 

Unnerluussutinit 33-nit aqqaneq-marlunni meeqqat inatsisit naapertorlugit qilequtsernagit issiatinneqarput. Inersimasut arfinillit qitequteqanngillat. Ataaseq mobiltelefonikkut oqaluppoq, marluk assakaasui nungullarsimavallaarput, marluk ukiuunerani assakaasoqarput, ataatsip 14-inik ukiulimmut knallertini aqutsippaa. Knallertertoq ataaseq niaqorornaveeqquteqanngilaq aamma knallertimi inuit marluk ingerlaarput. Tassa assersuutissat ilaattut taasinnasakka, Karl Vinther oqarpoq.

- Suliniut sapaatip akunnera naallugu ingerlanneqassaaq piffissami aggersumi tamanna isiginiarnerussallutigu, Karl Vinther tikkuaavoq. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER