Skip to main content

Taamaattumik illersornissamut ministeri tikeraarpoq

Illersornissamut ministeri Nick Hækkerup sapaatip-akunnerani matumani ataasinngornermiit pingasunngornermut nunatsinnut tikeraarpoq. Ilaatigut illersornissaqarfiup Issittumi unammilligassai takuniarpai

Illersornissamut ministeri Nick Hækkerup, Socialdemokraterne, ataasinngormat nunatsinnut tikippoq Pituffimmut kiisalu Station Nordimi, Mestersvigimi kiisalu Daneborgimi alapernaarsuisartoqatigiinni Siriusikkunni sakkutuunut tikeraarniarluni.

Silap pissusaata allanngornerata malitsigisaanik illersornissamut ministerip allarpassuit assigalugit issittoq isiginialerpaa.

Hækkerupip Issittoq suliniuteqarfissat ilaattut isigaa, ukiuni aggersuni illersornissaqarfiup salliutitassaatut.

- Danmarkip issittoq soqutigisarilluinnarpaa, silallu pissusaata allanngorujussuarneratigut periarfissanik nutaanik ammartoqarpoq. Kalaallit Nunaat kunngeqarfimmut siunissami umiarsuit angallannerat aatsitassanillu qalluineq eqqarsaatigalugit nunarsuarmi pingaarutilimmik inissisimalersussamut ilaavoq, Nick Hækkerup oqarpoq.

Læs også "Brug for mere forsvar i Arktis"

- Kalaallit Nunaannut angalanera manna uannut pingaarutilerujussuuvoq. Issittumi suliniarnerup salliutinneratigut maanngarlunga pissutsinik takuniaanissat uannut pingaartuuvoq. Aamma maani inunnik ulluinnarni sulinerminni silap pissusaata allanngornerata sunniutaanik misigisaqartartunik oqaloqateqarnissamut periarfissaqarpunga. Tamatuma saniatigut sakkutuutsinnut tikeraarnissaq suliarujuassannullu qujassuteqarnissat uannut pingaartuuvoq, Nick Hækkerup tusagassiuutitigut nalunaarummi allappoq.

Kalaallit Nunaanni sikup aakkiartornera ilutigalugu sumiiffik tikikkuminarnerulerlunilu soqutigineqarnerulissaaq.

- Kalaallit Nunaat nunarujussuuvoq Danmarkimit 50-eriaammik anginerulluni. Silap pissusaata allanngornerata kinguneranik umiarsuit angallannerulernerisigut Kalaallit Nunaata imartarujussuani suliassat annertuseriarujussuassapput, tamannalu nukinnik atuiffigisussaavarput. Issittumi suliniuteqarneq ukiuni aggersuni aningaasanik amerlanernik atuiffissatut isigaara, Nick Hækkerup oqarpoq.

Illersornissamut ministeri pilersaarutit malillugit pingasunngornermi Københavnimut utissaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER