Arpattartut 14-it Nuuk Marathonerput
Martin Møller angutini ajugaavoq - arnani Miiti Lynge sukkanerpaajuvoq
Nuuk Marathon 2012 Kalaallit Nunaanni maratonimik arpattarnerit siullerpaartaatut eqqaamaneqassaaq Nunatsinni pissartanngornissamik siunertaqanngitsoq. Aaqqissuisut silamit pakasartinneqarput tamatuma saniatigut peqataasut isorartussutsini assigiinngitsuni assigiinngitsorujussuarnik angusaqarput.
Martin Møller angutini unammillerneqarsinnaanngilaq piffissaq atugaa pitsaavoq aqqutaani unammillerteqanngilluinnarnera eqqarsaatigissagaanni. Niel Ole Qvist AG-mi tusagassiortoq normu 2-nngorpoq. Taanna Martin Møllerimit minutsinik 24-nik kigaanneruvoq. Klaus Geisler siulliit pingajuattut apuuppoq.
Arnani Miiti Lynge ajugaasuuvoq atorlugit 3.53,22. Unammillertiminit siuaqqanerungaatsiarpoq. Taanna tassaavoq Tanja Nørgaard.
Angutini maratonip affaanik arpattuni sukkanerpaaq tassaavoq Stig Brahe Sørensen. Taassuma atorpai 1.17,13. Taanna tulliminit Thorlak Skifte Nielsen minutsinik qulinik sukkaneruvoq. Arnani maratonip affaani ajugaasuuvoq Katti Frederiksen atorlugit 1.30,30 tiimit. Tullersortiminit Stine Steinmejerimit minutsinik arfinilinnik sukkaneruvoq.
Inernerit
Angutit – 1/1 maraton:
1. Martin Møller: 2.46,13 tiimit.
2. Niels Ole Qvist: 3.10,27 tiimit.
3. Klaus Geisler: 3.17,35 tiimit.
Arnat– 1/1 maraton:
1. Miiti Lynge: 3.53,22 tiimit.
2. Tanja Nørgaard: 4.20,17 tiimit.
3. Marie Louise Møller: 4.38,27 tiimit.
Angutit – ½ maraton:
1. Stig Brahe Sørensen: 1.17,13 tiimit.
2. Thorlak Skifte Nilsen: 1.27,06 tiimit.
3. Erik Amondsen: 1.30,00 tiimit.
Arnat – ½ maraton:
1. Katti Frederiksen: 1.30,30 tiimit.
2. Stine Steinmejer: 1.36,03 tiimit.
3. Natuk Olsen: 1.45,57 tiimit.