Skip to main content

Roklubben: Sumilluunniit paasitinneqanngilagut!

Juulip aallartinnerani Kangerlussuarmi ikaartarfiup aserorneratigut kujammut avannamullu aqqut aserororneqarmat restaurant Roklubbenip napassutaa kuugussaavoq.  - Neriuutissaqanngilluinnarpugut

Qallunaat oqariaaseqarput sumik tusarsimanngikkaanni taava ajortoqarsimanavianngilaq. Taannali oqariaat Kangerlussuarmi Restaurant Roklubbenimi pisortaanerup sumut atussallugu naluaa. Illuatungaani assorsuaq ilungersunartorsiorpoq, Hudson Riverip Kangerlussuarmi ukioq manna juulip aallartinnerani qarsutsineratigut ikaartarfik aserorneqarmat, suliffeqarfiutaa sulisuilu sisamat tassanngaannaq inuunerat allanngortinneqarujussuarput. Ikaartarfik neriniartarfiutaannut ornigunniaraanni pinngitsoornani aqqusaarneqartarmat taanna kuup kujataani kilometerit tallimat atorlugit ornitassaagami. 

- Naatsumik oqaatigalugu ilisimasaqanngilagut. Tusartinneqartuuguttaluunniit ikaartarfiup pilersinneqarnissaanut periarfissat suut atorneqarnersut taava arlaannik tunngavissalimmik ilimagisassaqassagaluarpugut. Naluarput qaqugu aallarteqqissinnaanerluta. Ilisimatinneqarsinnaaguttaluunniit maannakkummi nioqqutissanik inniminniisussanngortussaavugut. Umiarsuaq tikittussaq kingulleq septembarimi tikissaaq - taava aap - allaanngilaq assaap illuatungaani aningaasat puusiap iluaniittut tigummillugit assaap illuanit kuummut igiinnarsinnaallugit, Kim Ernst oqarpoq.  

Taanna suut tamaasa atorlugit ingerlaniarsarigaluarpoq. Kangerlussuarmi Hotelip igaffitsik atorsinnaatippaat taamaasilluni Roklubben tupermilluunniit nerisitsinissamik neqerooruteqarsinnaaqqullugu, taamalli ingerlasoqarsinnaanngilaq. Annaasanik annikillisaanerinnaavoq.  

- Qujamasuutigeqaara annikitsunnguamik ingerlatseqqissinnaagatta piffissarli ungasinnerusoq eqqarsaatigalugu atorsinnaanngilaq. Tupermi barbecue neqeroorutigaarput kisianni issilingajalerpoq. Kikkulluunniit Kalaallit Nunaanniisimasut nalunngilaat tupeq qanoq kiatsigisarnersoq - imaluunniit qanoq qiianartigisinnaanersoq. Tassa, apeqquterpassuit akissutissaat amigaatigaakka. Arlaat arlaannik iliuuseqartariaqarput, Kim Ernst oqarpoq taanna neriuppoq qanittumik arlaannik aaqqiisoqassasoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER