Skip to main content

Kiisami atisanik takutitsineq nalilerluarneqartoq

Tivolimi pingasunngornermi unnukkut Isaksen Design atisanik nutaalianik takutitsimmat isiginnaartut arlaleriarlutik tassanngaannaq ersaattaapput

Det lykkedes onsdag aften endelig at arrangere et godt modeshow ved Grønland i Tivoli-arrangementet.

Puisip amiinik kavaajaliat, atisat nutaaliat nipilersuut nuannersoq aammalu takutitsineq inunnit hornorujunik arlalinnit Pantomimeteaterimi takuneqarluni.

Meeqqat atuarfianni ilinniartitsisoq Naja Rosing Olsen, Tasiilami atorfimminit Københavnimi sulinngiffeqarpoq. Taassuma atisat nutaaliat takutinneqarnera alutorsaatigaa.

- Atisanik takutitsineq torrallataavoq. Tamakkiisumik takusaqarsinnaavugut. Puisip amiinik kavaajaliat kusanarluinnartut nutaanik qalipaateqalersimapput. Inuusunnerusuuguma ataatsimik pisaarsimassagaluarpunga, Naja Rosing Olsen oqarpoq.

- Takutitsineq nikorfalluta alutorsaatigaarput pingaartumik taanna hestehalilik inequnarpoq atisanillu kusanartumik takutitsinera assut pitsaavoq. Kalaallit ilisarnaartaat atisani nutaani uteqattaarnerat nuannaarutigaara. Ulo arnallu qilertillit ullutsinni takussaapput, Naja Rosing Olsen oqarpoq, taassuma ikinngutini Semine Hansen, Københavnimi najugalik ingiaqatigaa.

Great Greenlandip pisortaanera, Lars Berg, atisanik takutitsineq aamma malinnaaffigaa.

– Takutitsineq kusanaqaaq uagut ukioq manna atisanik nutaanik takutitsinermi peqataasinnaanerput nuannaarutigaarput, Lars Berg takutitsinerup kingorna Sermitsiaq.AG-mut oqarpoq.

Takutitsisunik isiginnaartut takutitsinerup nalaani uingiartarput ersaattaattarlutillu. Tamatuma ersersippaa atisanik nutaalianik takutitsisut marlunngornermi Tivolimi takutitsinerigaluarmit iluatsinngitsumit, ilaatigut takutitsisut kamippaannik takusaqarfiusinnaanngitsumit qaangiillutik maanna iluatsitsilluarnerannut. 

Isornartorsiortoqarnerata kingorna pingasunngornermi unnukkut atisanik nutaalianik takutitsineq allanngortiterlugu takutinneqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER