Skip to main content

Ilisimasassarsiortut nannumik naapitsipput

Nanoq tupaallattukassaavoq Qalasersuarmut ilisimasassarsiortunik LOMROG-III naapitsinermi kingorna

Danskit ilisimasassarsiortut LOMROG III Qalasersuup eqqaani imarpissuarmi tallimanngornermi norgemiut umiatsiaat pullattagaq ikiorserneqartariaqartoq uniffigaat, taanna ulluni arlalinni sikumit nikeriarsinnaajunnaarsinneqarsimavoq. Norskit angallataat sikup qaavatigut ingerlaarsinnaasartoq naqqamigut silaannalikkanik "akisaasaqarnini" pissutigalugu, norskit sakkutuuinit timmisartumit sillimmatissaminik nakkartitsiffigineqarput.

Danskit ilisimatusartut uppernarsaatissarsiniarput immap naqqata Qalasersuup ataaniittup danskit naalagaaffiannut ilanngutinneqarnissaa anguniarlugu paasisassarsiorlutik, kisianni ilisimasassarsiortut nal. ak. arlallit unillutik norgemiut ilisimasassarsiortut orsersorneqarnissaat isumagaat. 

 

Ajornartorsiutit
Naapeqatigiinnissaq pilersaarutaavoq kisianni norskit angallataanni sikumi ajornartorsiutit takorloorsimasamit amerlanerupput. Angallatigineqartoq norgemiumit professor Yngve Kristoffersenimit siulersorneqarpoq, taanna ilisimatusaatinik immikkut ittunik ingerlatsisarnermigut ilisimaneqarpoq. Taassuma suleqataatalu angallatip maskiinaa ima pitsaatigisumik iluarsisinnaagunikkut, danskit sikunik aserorterutaat ingiaqatigalugu Qalasersuup kitaani immap naqqani qaqqat Lomosov tunaartaralugit aamma ingerlaassapput.  

Ilisimasassarsiortut tamarmik Issittumi Imarpissuaq pillugu ilisimatuussutsikkut assigiinngitsunik paasisassarsiorlutik aqqutaani ingerlaarput. Imaluunniit professorip danskit umiarsuaannut qaqilluni pulaajutigaluni uffariartup oqarneratut:
- Polhavet qanoq pinngorsimanera paasiniarparput. Sikukkut ingerlagaangama takusakka eqqarsaatigineq ajorpakka. Eqqarsaatikka immap naqqaniikkamik. 

 

Nannumik naapitsineq

Danskit ilisimasassarsiortut norskit qeqertaannit Svalbardimit juulip 31-anni aallarput, angalanerup ulluata appaanni nannumik inersimasumik naapitsipput. Nanoq sikunik aserorterummit Odenimit 50 meterisut ungasitsigiinnarluni puttuppoq. Umiarsuaq qulingiluanik quleriilik 31 meterinillu takissusilik takuinnarlugu Kalaallit Nunaaata avannaanut qimaalluni aallarpoq. 

Nanoq qularnanngitsumik sikup aalaakkaanerusup sinaavanit puisinniarsimavoq tamaani nalinginnaasumik piniagassaqarluarmat. Taassuma kingorna ilisimatuut siku issittumiittoq issusoorsuaq aaqusaarlugu ingerlaalerput tamaanili uumasut ikinneroqaat. Sikumik aserorterut maannakkut issittup sikua issusoorsuaq ingerlaarfigaat, nal. ak. kingullit 24-t agguaqatigiissillugu taamaallaat knobit sisamat ingerlaarneqarsimapput - akunnermut sømilit sisamat. 
Ilisimasassarsiortut Svalbardimut septembarip 14-ianni utissapput. DR aqqutaa tamaat peqataavoq. 


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER