Kalaallit Nunaanni aasami qitinnissamut piareerput
Qitinnermik festivali OuterVision ukioq manna Ilulissani, Uummannami aamma Nuummi ingerlanneqassaaq
Ukiut pingajussaanni meeqqat inuusuttuaqqallu qitserituut sumiiffinni aalajangersimasuni qiteriaatsinik assigiinngitsunik misilitaqarnissaminnut periarfissinneqassapput.
Ukioq manna qitinnermik festivali OuterVision Ilulissani, Uummannami aamma Nuummi aggustip ingerlarnerani aaqqissuunneqassaaq. Festivalimut atatillugu ilaatigut akeqanngitsumik hiphop, ballet, musicaldans, jazz, inersimasut mitsimaarneri kiisalu nutaatut uaajeerneq Varste Berndtsson aqutsisoralugu ilinniartitsissutigineqassapput.
- Aasaq manna neriuutigaarput meerarpassuit, inuusuttuararpassuit inersimasorpassuillu allanik qiteqateqarnissaminnik nuannarisallit amerlasuut peqataanissaat. OuterVision inuusuttuni malunniutilerpoq ukiut tamaasa peqataasartut pikkorissiartuinnavipput. Tamanna nuannaarutissaavoq, Susanne Andreasen oqarpoq, taanna Katuami suliniutinut nutaanut pisortaavoq.
Qitinnermik ilinniartitsinermut peqataaneq akeqanngilaq kalaallit, danskit, norskit tuluillu oqaasii atorneqassapput.