Skip to main content

Peqqinnissaq pillugu ataatsimeersuarneq Peqqinnissaqarfimmit peqataaffigineqarluartoq

Peqqinnissaqarfik sapaatip-akunnerata tulliani nunarsuaq tamakkerlugu peqqinnissaq pillugu Alaskami ataatsimeersuarnermut peqataatitaqarluassaaq

Peqqinnissaqarfimmi, Peqqissutsimut Naalakkersuisoqarfimmi Nunatsinnilu Nakorsaaneqarfimmi sulisut 20-nit ikinnerunngitsut sapaatip akunnerata tulliani peqqinnissaq pillugu ataatsimeersuarnemi nunarsuaq tamakkerlugu peqataaffigineqartumi ICCH15-imi (International Congress on Circumpolar Health) Alaskami Fairbanksimi pisussami peqataassapput. 

- Peqqinnissaqarfimmit nunatsinni innuttaasut peqqissusaat pillugu assigiinngitsutigut paasissutissiisunik, oqaluttuarisaanermi aatsaat taama amerlatigisunik oqalugiaateqartoqassaaq. Ataatsimeersuarnermi peqataasut ilaatigut persuttaasarneq, imigassartornikkut ajoqusertarneq, peqqissaanikkut nutarterineq, qarasaasiakkut nakorsiartitsisarneq, sakialluut TB, erninermut atatillugu nikallungalersarneq, sinitsitsinermi atortorissaarutit, issittumi peqqissaaneq, tupatorneq, kaannerup peqqisutsikkullu imminut naliliiviginerup ataqatigiinnerat, Avanersuarmi innutaasut peqqissusaannik misissuisitsineq soqutiginaatilippassuillu allat pillugit paasitinneqassapput, Peqqissutsimut Naalakkersuisoqarfik tusagassiuutitigut nalunaarummi allappoq.

ICCH –imik taaguuserlugit ataatsimeersuartarnerni ukiut pingasut allortarlugit pisartuni, nunani issittut peqqissuseq tamatumunngalu atatillugu ajornartorsiutaasut qitiutinneqartarput. Ataatsimeersuarneq siulleq 1967-imi pivoq. Ataatsimeersuarnerlu 2003 mi pisoq Nuummi ingerlanneqarpoq.

ICCH 15-imi ataatsimeersuarnissami inuit 750 –it missaat ilaatigut peqqinnissakkut sullissisut, ilisimatusartut nunallu inoqqaavisa aallartitaat peqataanissamut nalunaarsimapput. Kalaallit Nunaanneersut Qallunaat Nunaanneersullu saniatigut Canadamit, USA-mit, Ruslandimit, Norgimit, Sverigimit, Islandimit, Finlandimit nunanillu allanit, issittumi peqqissutsimik soqutigisallit peqataassapput. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER