Imaq 1,6 meterimik qaffassinnaavoq
Nunatsinni silap pissusaa ima ingasatsigaaq ilisimatuut ernummatigilerlugu immap 1,6 meterimik qaffassinnaanera
Ullumikkut nunarsuarmi sumi tamani sila ingasattajaarpoq, aammalumi Sikuiuitsumi kujallermi nunatsinnilu, taakkunani aatsaat taama kiatsigaluni sermerlu aakkiartupiloorluni.
Silap pissusaanik ilisimatuut siuttut isumaqarput aakkiartorneq annertuujusoq ukioq 2100 tikitsinnagu imaq 1,6 meterimik qaffassinnaalluni. Ataasiakkaat suli ingasannerunissaanik ernumapput.
Danmarkimi sermersuarmik ilisimasallit sallersallit siuttuat Dorthe Dahl-Jensen Københavnip ilisimatusarfiani Is og Klimameersoq isumaqarpoq nunarsuatta silaannaa aarlerinartumut ingerlasoq:
- Kalaallit Nunaanni takusavut ingasaginarput. Ukiut 100 tulliuttut ingerlaneranni nunarsuatta imaata 0.9-p 1,6 meterillu akornanni qaffannissaanik isikkoqarpoq, Morgenavisen Jyllands-Postenimut oqarpoq.
- Immap qaffassinnaaneranik ukiut marluk matuma siorna siulittuigatta arlalissuit isumaqarput ingasattajaartugut. Maannakkut amerlanerujartortut isumaqatigaatigut.
Læs også "Polarforsker: Helt ekstremt"
Læs også "Nasa: Indlandsisen bliver tyndere overalt"
Læs også "Nasa: Indlandsisen smelter med rekordfart"
Taakku ilagaat Eric Rignot ilisimatooq sermersuarmillu ilisimasalik USA-mi ilisimatusarfissuarmi Nasameersoq.
Jyllands-Posten naapertorlugu isumaqarpoq ukiuni 20-ni kingullerni ineriartornerup takutikkaa nunarsuatta imaata 1 meterimit annertunermik qaffannissaanik.